Մեծ Բրիտանիայում մշակողներին ու ռոբոտեխնիկներին հաջողվել է մեկ հեկտար հողատարածք ցանել, այնհետև գարու բերք հավաքել, փոխանցում է NEWS.am-ը: Այդ գործընթացի իրականացման ամբողջ ընթացքում որևէ մարդ չի մասնակցել։
200 հազար ֆունտի չափով դրամաշնորհի գործածմամբ մշակողները սարքավորել են տրակտորը ու կոմբայնը տեսախցիկներով, լազերային սարքերով ու GPS հաղորդիչներով։ Այդ ինքնակառավարվող սարքերի օգնությամբ իրականացվել է դաշտային աշխատանքների ամբողջ ցիկլը՝ ցանքից, ոռոգումից, պարարտացումից սկսած մինչեւ բերքահավաք։ Հատուկ ռոբոտներ են օգտագործվել փորձաքննության համար հողի նմուշներ վերցնելու համար:
Գիտնականները խոստովանում են, որ նման գյուղատնտեսական աշխատանքներն ավելի թանկ են, քան ավանդական միջոցներով հողագործությունը։ Այդուհանդերձ, նրանց կարծիքով ապագան ռոբոտիզացված հողագործությանն է: