Թուրքիան Էրդողանի գլխավորությամբ ԵՄ անդամ լինել չի կարող. Օզդեմիր



Գերմանիայի Կանաչների կուսակցության համանախագահ Ջեմ Օզդեմիրը հայտարարել է, որ նախագահ Ռեջեփ Թայիփ Էրդողանի գլխավորությամբ Թուրքիային երբեք չի հաջողվի դառնալ Եվրամիության անդամ երկիր: Այս մասին հայտնում է Արմենպրեսը՝ վկայակոչելով Deutsche Welle-ն:

Պատգամավորն ընդգծել է, որ դեմ է Թուրքիայի հետ անդամակցության շուրջ բանակցությունները ամբողջովին դադարեցնելուն: Այդուհանդերձ Օզդեմիրը շեշտել է. «Էրդողանին թիրախավորող տնտեսական միջոցները կարող են ազդեցիկ լինել: Թուրքիան Էրդողանի գլխավորությամբ Եվրամիության անդամ լինել չի կարող»:


© armedia.am