Թուրքիայի նախագահ Ռեջեփ Թայիփ Էրդողանը, Նյու Յորքում ելույթ ունենալով ՄԱԿ-ի Գլխավոր ասամբլեայի ամբիոնից, հերթական անգամ հանդես է եկել կոչով, որում մասնավորապես հորդորում է Իրաքի քրդական ինքնավարությանը հրաժարվել անկախության հանրաքվեից, փոխանցում է ԱՐՄԵՆՊՐԵՍԸ:
Էրդողանը ընդգծել է պաշտոնական Անկարայի դիրքորոշումը` ասելով, որ հանրաքվեի անցկացումն ու դրա հետևանքները կարող են մեծապես վնասել տարածաշրջանային անվտանգությանը, խաղաղությանն ու կայունությանը:
Էրդողանը ՄԱԿ-ի ամբիոնից նաև առաջարկել է Անվտանգության խորհուրդը վերաձևակերպել՝ դարձնել 20 երկրից բաղկացած մարմին: