System of a Down ռոք-խմբի մենակատար Սերժ Թանկյանը գրառում է կատարել իր Instagram-ում՝ կոչ անելով երկրպագուներին դիտել Ղարաբաղյան հակամարտության մասին պատմող ֆիլմը՝ «Վերջին բնակիչը»։
Աշխարհահռչակ ռոք-աստղն իր գրառման մեջ նշել է, որ, «Վերջին բնակիչը» հուզական, լարված դրամա է Արցախի ու Ադրբեջանի միջև մինչ օրս շարունակվող հակամարտության մասին։ «Ուիթիերում ու Կոստա Մեսայում առաջիկա հանգստյան օրերին տեղի կունենա ֆիլմի ցուցադրությունը։ Եթե բաց եք թողել Գլենդելի ցուցադրություններն անցած շաբաթ, ապա ռեժիսոր Ջիվան Ավետիսյանի ֆիլմը դիտելու ևս մեկ հնարավորություն ունեք։ Ֆիլմի երաժշտության հեղինակը ես եմ», - նշել է արտիստը։