ԱՄՆ Պետդեպարտամենտն իր քաղաքացիներին զգուշացրել է Թուրքիայում ահաբեկչական խմբավորումներից եկող շարունակական սպառնալիքների մասին, փոխանցում է news.am։
Պետդեպի կայքում հրապարակված տեղեկությունների համաձայն՝ ահաբեկչության մշտական սպառնալիքի պատճառով ԱՄՆ կառավարությունը սահմանափակում է պաշտոնյաների այցելությունները Թուրքիայի հարավ–արևելյան շրջաններ և սահմանափակում է ԱՄՆ կառավարության ներկայացուցիչների և նրանց ընտանիքի անդամների գործունեությունը Ստամբուլում և Ադանայում։
«Մենք ԱՄՆ քաղաքացիներին խորհուրդ ենք տալիս ուշադիր քննել Թուրքիա այցելությունների անհրաժեշտությունը նախքան այնտեղ մեկնելը և խուսափել երկրի հարավ–արևելք այցելություններից»,– ասված է հայտարարության մեջ։