Մասնավոր այցով Հայաստանում գտնվող Ֆրանսիայի Ազգային ժողովի հայազգի պատգամավոր Դանիել Կազարյանը լրագրողների հետ հանդիպման ընթացքում նշել է, որ Ֆրանսիայի խորհրդարանում հայկական ծագում ունեցող երեք պատգամավոր կա, ովքեր նախագահ Էմանուել Մակրոնի կուսակցությունից են, հայտնում է Panorama.am-ը:
Խոսելով ղարաբաղյան հիմնախնդրի մասին, ֆարնսահայ պատգամավորը կարծիք է հայտնել, որ մոտ ապագայում հակամարտությունը լուծում կգտնի՝ հույս հայտնելով, որ ներկայիս նախագահ Մակրոնը, ինչպես նախկին Ֆրանսիայի նախագահ Ֆրանսուա Օլանդը, կշարունակի իր ջանքերը հիմնախնդրի խաղաղ կարգավորման ուղղությամբ. «Ինձ թվում է՝ մի քիչ ժամանակ պետք է տանք մեր նորընտիր նախագահ Էմանուել Մակրոնին: Ոչ մի կասկած չկա, որ նա բավականին ակտիվ կարող է լինել այս խնդրում, ինչպես մյուս համանախագահող երկրները՝ Ռուսաստանն ու ԱՄՆ-ը»: