ՆԱՏՕ-ի ռազմական կոմիտեի ղեկավար գեներալ Պյոտր Պավելը նախազգուշացրել է Թուրքիային այն հետևանքների մասին, որոնց նա կարող է բախվել ռուսական С-400 համակարգեր ձեռքբերելու դեպքում, հայտնում է Lenta.ru-ն:
Զինվորականի խոսքով, ռուսական համակարգերի գնումը կխանգարի Անկարային ինտեգրվել դաշինքի հակաօդային պաշտպանության ընդհանուր համակարգին: «Ինքնիշխանության սկզբունքն անկասկած գործում է ռազմամթերքներ ձեռքբերելիս: Սակայն այս դեպքում երկիրը պետք է կրի նաև այն ռիսկերը, որոնց նման քայլը կարող է հանգեցնել», - հստակեցրել է Պյոտր Պավելը:
Նա հավելել է, որ քանի դեռ Անկարան վերջնական չի ստորագրել Մոսկվայի հետ համաձայնագիրը, դաշինքի շրջանակներում անհրաժեշտ է անցկացնել քննարկումներ վերոնշյալ գործարքի նպատակահարմարության վերաբերյալ: