ԱՄՆ նախագահ Դոնալդ Թրամփը «Գրին քարտով» երկիր ժամանողներին համեմատել է աղբի հետ և կոչ է արել չեղարկել վիճակախաղը:
Ելույթ ունենալով Վիրջինիա նահանգի ՀԴԲ ազգային ակադեմիայում, նա խոսել է միգրացիոն մեխանիզմների թերի լինելու մասին և անդրադարձել է նաև վիզաների վիճակախաղերին, հայտնում է Սպիտակ Տան պաշտոնական կայքը։
«Նրանք մասնակցում են վիճակախաղին։ Դուք վերցնում եք մարդկանց։ Կարծում եք երկրները մեզ տալիս են իրենց մարդկա՞նց։ Ոչ․․․ Նրանք գալիս են վիճակախաղով։ Նրանք տալիս են մեզ իրենց ամենավատ մարդկանց, դնում են նրանց աղբամանի մեջ»,- ասել է Թրամփը։
Նա կոչ է արել չեղարկել այդ մեխանիզմը, ինչպես նաև շղթայական միգրացիան և փոխարինել կարողությունների վրա հիմնված ընտրությամբ։