Սիրիական ապստամբները հրաժարվել են մասնակցել «Սիրիայի ազգային երկխոսության կոնգրեսին», որը նախագահ Վլադիմիր Պուտինը առաջարկել էր անցկացնել Սոչիում: Այս մասին նշվում է գրեթե 40 տարբեր ընդդիմադիր կուսակցությունների ստորագրած համատեղ հայտարարության մեջ, հայտնում է NEWS.am-ը:
«Ռուսաստանը ագրեսոր պետություն է, որը ռազմական հանցագործություններ է կատարել սիրիացիների դեմ»,-ասվում է փաստաթղթում:
Ավելի վաղ Ռուսաստանը, Թուրքիան և Իրանը հաստատել էին իրենց մտադրությունը «հունվարի 29-30-ը Սոչիում սիրիական հասարակության բոլոր խմբերի մասնակցությամբ ազգային երկխոսության համաժողով անցկացնելու մասին»: Սոչիի հանդիպման մասնակիցների ցուցակը դեռ չի համաձայնեցվել: