Թուրքական Cumhuriyet–ի փոխանցմամբ՝ «Ժողովրդահանրապետական» (CHP) կուսակցության Ստամբուլի նահանգային կառույցի առաջնորդ ընտրված Ջանան Քաֆթանջըօղլուն հայտարարել է, թե Էրդողանը վախեցել է, որ իր ընտրվելով Ստամբուլում քվեներ է կորցնելու, որի համար էլ իր դեմ լրատվամիջոցներով կեղտոտ արշավ է սկսել, գրում է NEWS.am-ը:
«Հայոց ցեղասպանություն» բառով Twitter-ում գրառում կատարելու հետ կապված էլ շեշտել է, որ ինքն է հենց գրել Հայոց ցեղասպանություն, քանի որ այդ օրը տեղի ունեցող սգո քայլերթը հենց Հայոց ցեղասպանության սգո արշավ էր կոչվում։
Նշենք, որ Ջանան Քաֆթանջըօղլուի ընտրվելուց հետո թուրքական իշխանամետ մամուլը նրա դեմ արշավ է սկսել՝ հիշեցնելով, որ նա դեռևս 2012-ին Twitter-ում գրել է, որ մասնակցելու է Հայոց ցեղասպանության զոհերի հիշատակի միջոցառմանը։