Պարալիմպիակ խաղերի բացման պաշտոնական արարողության Հայաստանի դրոշակակիր Ստաս Նազարյանի խոսքով մեծ պատասխանատվություն և պատիվ էր աշխարհին ներկայացնել Հայաստանը, գրում է «Արմենպրես»-ը:
«Դրական տպավորություններ ստացա: Պատասխանատվությունը մեծ էր, քանի որ ներկայացնում էինք Հայաստանը, առավել ևս, որ ես էի դրոշակակիրը: Երազի պես մի պահ էր: Թեպետ արդեն 5-րդ անգամն եմ մասնակցում Պարալիմպիկ խաղերին, սակայն Խաղերից յուրաքանչյուրն իրենց յուրահատկությունն ունեն» - ասել է Նազարյանը:
Նշենք, որ Ստաս Նազարյանը Պարալիմպիկ խաղերին ելույթ կունենա մարտի 13-ին: Նա հանդես կգա դահուկավազքի 1 կմ սպրինտ մրցաձևում: