Ռուսաստանի եւ Թուրքիայի նախագահներ Վլադիմիր Պուտինն ու Ռեջեփ Էրդողանը քննարկել են իրավիճակը Սիրիայում։
Կրեմլի մամուլի ծառայությունից հայտնում են, որ կողմերը մտահոգություն են հայտնել Սիրիայում եւ նրա շուրջ ստեղծված լարվածությամբ Դումա քաղաքում ենթադրյալ քիմիական հարձակման ֆոնին։
Ընդգծվել է Սիրիա ուղեւորվող Քիմիական զենքի արգելման կազմակերպության տեսուչների աշխատանքի համար անհրաժեշտ պայմաններն ապահովելու կարեւորությունը։
Երկու կողմերն էլ կողմ են արտահայտվել ՄԱԿ ԱԽ 2254-րդ բանաձեւի եւ Սոչիում Ազգային երկխոսության կոնգրեսի կողմից ընդունված որոշումների հիման վրա Սիրիայում քաղաքական կարգավորման ակտիվացմանը։