Արցախի Հանրապետության մշտական ներկայացուցիչ Ռոբերտ Ավետիսյանը ելույթ է ունեցել ապրիլի 19–ին ԱՄՆ Թաֆթսի համալսարանի Ֆլեթչերի իրավունքի և դիվանագիտության դպրոցում կազմակերպված միջոցառմանը, որը նվիրված էր ղարաբաղյան շարժման 30-ամյակին, Հայաստանի Հանրապետության 100-ամյակին և Երևան քաղաքի 2800-ամյակին, հայտնում է Արցախի ԱԳՆ պաշտոնական կայքը:
Միջոցառումը կազմակերպել էին համալսարանի 2018 թ. Թավիթյան կրթաթոշակային ծրագրի հայ ուսանողները, որին ներկա էին համալսարանի դասախոսներ, օտարերկրացի ուսանողներ և Բոստոնի հայ համայնքի ներկայացուցիչներ: