Վրաստանի խորհրդարանն ամբողջությամբ կվերադառնա մայրաքաղաք Թբիլիսի: Այս մասին հայտարարել է երկրի բարձրագույն օրենսդիր մարմնի փոխխոսնակ Թամար Չուգոշվիլին: Նա նշել է, որ պատգամավորները վաղուց են քննարկում խորհրդարանի Թբիլիսի վերադառնալու հնարավորությունը, և որոշումը արդեն ընդունված է:
«Թբիլիսին կվերականգնի խորհրդարանական մայրաքաղաքի կարգավիճակը արդեն 2019 թվականի հունվարից», - հայտարարել է Չուգոշվիլին:
Վրաստանի խորհրդարանը 1990-ականների սկզբից մինչև 2012 թվականը տեղակայված էր Թբիլիսիում: Միխեիլ Սաակաշվիլիի նախագահության օրոք որոշվեց բարձրագույն օրենսդիր մարմինը տեղափոխել մայրաքաղաքից շուրջ 230 կմ հեռավորության վրա գտնվող Քութաիսի՝ «Քութաիսին զարգացնելու և իշխանությունը ապակենտրոնացնելու» նպատակով: