«Եղած միջոցները, ռազմական տեխնիկան նորմալ է, ունենք տարբեր գործողությունների, տարբեր խնդիրներին համահունչ միջոցներ», - այս մասին լրագրողների հետ զույցում ասաց Արցախի Հանրապետության Պաշտպանության բանակի հրամանատար Լևոն Մնացականյանը:
Նա մասնակցում էր ՀՀ նախագահի նստավայրում անկախության օրվա կապակցությամբ պարգևատրման պաշտոնական արարողությանը, հայտնում է Panorama-ն։
ՊԲ հրամանատարի խոսքով՝ 2016 թվականի համեմատ շոշափելի առաջընթաց կա. «Միշտ էլ սպասում ենք նոր ձեռքբերումներ, միշտ էլ թարմացվում է զինանոցը նոր տեսակներով՝ և քանակական, և որակական առումով»։
Պատասխանելով սննդի, հագուստի որակի, տարբեր չարաշահումների մասին լրագրողների հարցերին, Մնացականյանն ասաց. «Միշտ էլ այդ հարցերին ուշադրություն դարձվում է, նախկինում էլ, ներկայում էլ: Ծնողներից ևս լինում են բողոքներ, աշխատում ենք բոլոր հարցերով արձագանքել, ստուգումներ անցկացնել և եզակի դեպքերում, որ դրանք համապատասխանում են իրականությանը»։ Մնացականյանը հիշեցրեց, որ զինվորներին տրվող սննդի տեսականին ավելացել է։ Ինչ վերաբերում է զինտեխնիկայի վառելիքի յուրացման ու այլնի վերաբերյալ լուրերին, ըստ ՊԲ հրամանատարի, պարզապես շահարկումներ են, որոնց նպատակն ինքը չգիտի, ամեն դեպքում վերահսկողությունն ուժեղացել է։