Ի՞նչ հագնել Ամանորի գիշերը. 2019 թվականի նորաձևության միտումները
Ամանորին կարևոր է ոչ միայն սեղանների գեղեցիկ զարդարանքներն ու տոնական ուտեստները, այլ նաև մեր արտաքին տեսքը: Հետևաբար եկեք պարզենք, թե ինչ կարելի է հագնել 2019թ.-ի Հողե խոզի տարում.
- դեղին զգեստ` տարվա խորհրդանիշի պատվին,
- կարճ սև զգեստ (սակայն ոսկեգույն զարդերով)` ֆինանսական վիճակի բարելավման համար,
- գունավոր կոմբինիզոններ` գալիք տարում նորանոր հաջողություններ ունենալու համար,
- բաց գույնի տաբատներ. հողե խոզը սիրում է հարմարավետություն և բնական գույներ,
- զգեստներ` լայն թևերով. հնարավոր չէ անտեսել սեզոնի նորաձև հիթը,
- սպիտակ վերնաշապիկներ` խաղաղության և ներդաշնակության համար,
- գույնզգույն լեգինս` տոնական տրամադրություն ունենալու համար:
Կան նաև որոշ ընդհանուր առաջարկներ Ամանորին ժամանակակից look ունենալու համար.
- Նոր տարին նշելու լավագույն հագուստը երեկոյան զգեստն է: Կարելի է ընտրել ցանկացած ոճի զգեստ, որը համապատասխանում է ձեր մարմնին: Օրինակ, ռոմանտիկ աղջիկներին սազում է շողշողացող և թեթև զգեստները, բայց ուժեղ կամքի տեր կանայք պետք է ընտրեն հագուստի ազատ ոճը:
- Կիսաշրջազգեստի և վերնաշապիկի դասական համադրությունը ոչ պակաս կարևոր է: Բայց միևնույն ժամանակ պետք է կարողանալ գունային ճիշտ համադրություն կատարել: Այսպիսով, մանանեխի գույնի ատլասե վերնաշապիկը կարող եք կրել լայն փեշերով կիտրոնի գույնի կիսաշրջազգեստի հետ:
Ինչ վերաբերում է տղամարդկանց, ապա նրանք հագուստի ընտրության հարցում որևէ խնդիր չեն ունենում: Ընդհանրապես, տղամարդիկ նախընտրում են հագուստի պահպանողական ոճը և չեն հավատում, որ կարող են հաջողության հասնել իրերի ճիշտ համադրության միջոցով:
Եթե ցանկանում եք, որ 2019 թվականի առաջին իսկ վայրկյանները հաջող անցնեն, անհրաժեշտ է ընտրել ամանորյա հագուստի և աքսեսուարների ճիշտ գույնը: Տարվա խորհրդանիշ գույնը ոսկեգույն երանգով մարջանագույնն է: Հետևաբար դեղինի և նարնջագույնի, ինչպես նաև բաց կանաչի և շագանակագույնի երանգներով հագուստը և զարդերը ճիշտ ընտրություն կլինեն: Նախընտրելի է բնական նյութերից`փայտից և կերամիկայից պատրաստված զարդերը:
Ինչ վերաբերում է կոշիկներին, ապա ընդհանուր առմամբ, ցանկալի է Ամանորը դիմավորել փափուկ կաշվե հարմարավետ կոշիկներով: Հեռախոսը, շրթներկը, հայելին և կանանցի այլ պարագաները կարող եք տեղավորել փոքրիկ դասական պայուսակի մեջ: Պայուսակը պետք է լինի հասարակ և գույնզգույն:
Մազերի համար թրենդային է «dirty brunette»-ը, որը տաք և սառը երանգների իդեալական համադրություն է, մարջանագույնը, մեղրային փայլը, ձյունաճերմակ բլոնդը և իհարկե սևը...