Հայաստանի ազգային հավաքականի և «Արսենալի» կիսապաշտպան Հենրիխ Մխիթարյանը կարող է անարգել մեկնել Ադրբեջան, որտեղ մայիսի 29-ին կայանալու է Եվրոպայի լիգայի եզրափակիչը։ «Արսենալը» խաղալու է «Չելսիի» հետ, հաղորդում է Panorama.am-ը։
«ՈւԵՖԱ-ի համար դա նորմալ գործընթաց է՝ ուղարկել աջակցության նամակներ ասոցիացիաներին, ակումբներին կամ դեսպանատներին ֆուտբոլիստներին վիզա տրամադրելու համար, և հնարավորություն տալ նրանց մասնակցել ՈւԵՖԱ-ի հովանու ներքո անցկացվող խաղերին։ Մենք պահանջել ենք հավաստիացումներ, որ Մխիթարյանը խնդիրներ չի ունենա։ Ադրբեջանի ֆուտբոլի ֆեդերացիաների ասոցիացիան հաստատել է, որ այդ խաղացողն երկիր այցելելու խնդիր չի ունենա և կձեռնարկվեն անվտանգության համար բոլոր անհրաժեշտ միջոցառումները», - sport24.ru –ի հաղորդմամբ ասված է ՈւԵՖԱ-ի մամուլի ծառայությունից։
Ավելի վաղ Մխիթարյանը երկու անգամ չի մեկնել Բաքու և չի մասնակցել ադրբեջանական թիմերի հետ Եվրագավաթի խաղերին։