U.S.News պարբերականը հրապարակել է 2019 թվականի աշխարհի ամենահզոր երկրների վարկանիշը, որը կազմվում է BAV Group-ի և Փելսինվանիայի համալսարանի Վարթոնի դպրոցի կողմից:
Վարկանիշը կազմելիս հաշվի են առնվում մի շարք գործոններ, որոնց թվում են տնտեսությունը, ռազմական հզորությունը, քաղաքական ազդեցությունը, աշխարհում առաջնորդությունը, ինչպես նաև միջազգային դաշինքներում անդամակցությունը և մասնակցությունը:
Այսպես, աշխարի ամենահզոր երկրների վարկանիշն այս տարի ևս գլխավորում է Միացյալ Նահանգները: Փորձագետների կարծիքով ամերիկյան տնտեսությունն աշխարհում ամենուժեղն է, ԱՄՆ բյուջեն աշխարհում ամենամեծն է:
Ռուսաստանը երկրորդ տեղում է, առաջատարների եռյակը եզրափակել է Չինաստանը: Լավագույն տասնյակում են նաև Գերմանիան, Մեծ Բրիտանիան, Ֆրանսիան, Ճապոնիան, Իսրայելը, Սաուդյան Արաբիան, և Հարավային Կորեան: