Եգիպտոսի և ՄԱԿ միջնորդական ջանքերով պաղեստինյան խմբավորումները և Իսրայելը երկուշաբթի երեկոյան պայմանավորվել են հրադադարի շուրջ, հայտնում է Sky News Arabia-ն:
Հեռուստակայանը հայտնում է, որ կողմերի միջև կրակի դադարեցումն ուժի մեջ է մտել տեղական ժամանակով կեսգիշերին, փոխանցում է ՏԱՍՍ-ը:
Անցյալ օրվա ցերեկը հարվածների փոխանակումը վերսկսվել է և շարունակվել մինչ պայմանավորվածության հասնելը: Իսրայելական բանակային մամուլի ծառայությունը հայտնել է, որ վերջին մեկ օրում արմատականները Գազայից Իսրայելի վրա արձակել են 40-ից ավելի հրթիռ, որից գրեթե կեսը որսվել է «Երկաթե գմբեթ» ՀՕՊ համակարգով: Իսրայելի վարչապետ Բենիամին Նեթանյահուն երկուշաբթի նախազգուշացրել է, որ Գազայից գնադակոծությունների շարունակման դեպքում հրեական պետությունը պատրաստ է այնտեղ ռազմական գործողություն սկսել անդորրը վերականգնելու համար: