Ուրբաթ Ռուսաստանի և Թուրքիայի նախագահներ Վլադիմիր Պուտինը և Թայիփ Էրդողանը հեռախոսազրույց են ունեցել, որի ընթացքում քննարկել են Իդլիբի դեէսկալացիոն գոտու վերաբերյալ համաձայնագրերի իրականացումը: Այս մասին հայտարարել է Ռուսաստանի արտգործնախարար Սերգեյ Լավրովը, փոխանցում է ՌԻԱ Նովոստին:
«Այսօր Թուրքիայի Հանրապետության ղեկավարի խնդրանքով հեռախոսազրույց է տեղի ունեցել նախագահներ Պուտինի և Էրդողանի միջև: Զրույցը մանրամասն էր, այն նվիրված էր ամեն ինչ անելու անհրաժեշտությանը, որպեսզի դեէսկալացիոն գոտու հետ կապված նախնական պայմանավորվածությունները կյանքի կոչվեն»,- ասել է նա: