Իրանը կոչ է անում պահպանել հրադադարը Ղարաբաղյան հակամարտության գոտում



Իրանի արտաքին գործերի նախարարության պաշտոնական ներկայացուցիչ Սաիդ Խաթիբզադեն կոչ է արել Ադրբեջանին և Հայաստանին հավատարիմ մնալ հրադադարի ռեժիմին և վերսկսել բանակցությունները միջազգային նորմերի շրջանակներում, փոխանցում է Aysor.am-ը։

Երկուշաբթի ճեպազրույցում Խաթիբզադեն ափսոսանք է հայտնել անցած շաբաթ Լեռնային Ղարաբաղում հրադադարի ռեժիմի խախտման կապակցությամբ և դատապարտել բնակելի շենքերի և քաղաքացիական ենթակառուցվածքների վրա հրթիռային հարձակումները:

Իրանը պատրաստ է աջակցել Ադրբեջանի և Հայաստանի միջև բանակցային գործընթացին՝ տարածաշրջանում կայուն խաղաղություն հաստատելու համար:


© armedia.am