Մեկնարկեց ՀՀ ԱԳ նախարար Զոհրաբ Մնացականյանի հանդիպումն ԵԱՀԿ Մինսկի խմբի համանախագահների հետ: Այս մասին ֆեյսբուքյան իր էջում տեղեկացրել է ՀՀ ԱԳՆ մամուլի խոսնակ Աննա Նաղդալյանը՝ տեղադրելով լուսանկար։
Հիշեցնենք, որ դեռ հոկտեմբերի 25-ին Վաշինգտոնում Հայաստանի ու Ադրբեջանի ԱԳ նախարարների, ԱՄՆ պետքարտուղարի տեղակալի ու ԵԱՀԿ Մինսկի խմբի համանախագահների հանդիպումից հետո տարածված հաղորդագրության մեջ հայտարարվել էր, որ հոկտեմբերի 29-ին նախատեսված է նախարարների և համանախագահների ևս մեկ հանդիպում Ժնևում։ Սակայն երեկ հայտարարվեց հանդիպման ամսաթվի փոփոխության մասին։