Կարեն Սարգսյանը նշանակվել է Արցախի ներքին գործերի նախարար
Արցախի նախագահ Արայիկ Հարությունյանի հրամանագրով արտակարգ իրավիճակների պետական ծառայության պետ Կարեն Սարգսյանը նշանակվել է Արցախի ներքին գործերի նախարար։
Հիշեցնենք՝ նախագահ Հարությունյանը երեկ հրամանագիր էր ստորագրել ԱՀ կառավարության կառուցվածքում փոփոխություն կատարելու մասին։
Հրամանագրի համաձայն Արցախի Հանրապետության արտակարգ իրավիճակների պետական ծառայությունը և ոստիկանությունը կներառվեն մեկ միասնական մարմնի՝ Ներքին գործերի նախարարության կազմում:
Արայիկ Հարությունյանն այսօր այցելել է ոստիկանություն և աշխատակազմին ներկայացրել նորանշանակ նախարարին։