Թունիսը, Նորվեգիան և Չինաստանը ներկայացրել են ամենամոտ ժամանակներս ՄԱԿ-ի Անվտանգության խորհրդի (ԱԽ) բաց նիստի անցկացման պահանջ՝ պաղեստինա-իսրայելական հակամարտության գոտում լարվածության Էսկալացիայի քննարկման համար: Մայիսի 12-ին այդ մասին ՏԱՍՍ-ին հայտնել Է Անվտանգության խորհրդի իրենց աղբյուրը:
«Չինաստանը, Թունիսը և Նորվեգիան պահանջել են մայիսի 14-ին անցկացնել բաց նիստ՝ նվիրված Պաղեստինի և Իսրայելի շուրջն ստեղծված իրադրությանը,- ասել Է գործակալության աղբյուրը:- Որոշումն ամենամոտ ժամանակներս կընդունվի Անվտանգության խորհրդի նախագահի կողմից, ընթացիկ ամսում դա Չինաստանն Է»:
ՄԱԿ-ի ԱԽ-ն մայիսի 10-ին և 12-ին կայացած նիստերի արդյունքներով չի կարողացել համաձայնեցնել Պաղեստինի և Իսրայելի միջև հակամարտության սրման վերաբերյալ համատեղ հայտարարության տեքստը: Ինչպես ՏԱՍՍ-ին հայտնել են ԱԽ-ի դիվանագիտական աղբյուրները, միասնական հայտարարի չի հաջողվում գալ ԱՄՆ-ի դիրքորոշման պատճառով:
Մայիսի 10-ից իսրայելական բանակը և Գազայի հատվածի պաղեստինյան խմբավորումները փոխանակում են հարվածներ, որոնք հետևել են Արևելյան Երուսաղեմում Ալ Աքսա մզկիթի մոտ տեղի ունեցած անկարգություններին, որտեղ տուժել Է ավելի քան 700 պաղեստինցի: