Իրանի շուրջը բանակցություններում կողմերը համաձայնեցրել են բոլոր սեկտորային պատժամիջոցների չեղարկումը



Վիեննայում իրանական միջուկային ծրագրի վերաբերյալ Գործողությունների համատեղ համապարփակ պլանի (ԳՀՀՊ) շուրջը բանակցություններում կողմերը համաձայնեցրել են բոլոր սեկտորային պատժամիջոցների, ներառյալ նավթային պատժամիջոցների չեղարկումը: Հունիսի 14-ին կայացած մամուլի ասուլիսում այդ մասին հայտարարել Է Իրանի արտգործնախարարության պաշտոնական ներկայացուցիչ Սայիդ Խաթիփզադեն, փոխանցում է ՏԱՍՍ-ը:

«Այսօրվա դրությամբ համաձայնեցված Է բոլոր սեկտորային պատժամիջոցների չեղարկումը, ներառյալ պատժամիջոցները Էներգետիկայի ոլորտում»,- ասել Է նա: Դիվանագետը ճշտել Է, որ խոսքը վերաբերում Է ֆինանսական, նավթային և տրանսպորտային ոլորտներն: «Ինչ-որ համաձայնություններ չկան միջուկային գործարքի սահմաններից դուրս, քանի որ Գործողությունների համատեղ համապարփակ պլանը վերանայման ենթակա չԷ և քննարկվում Է ԳՀՀՊ-ի լիակատար իրականացումը»,- հավելել Է նա:

Իրանի նկտամամբ ԱՄՆ-ի պատժամիջոցները բաժանվում են երկու տիպի. սեկտորային, որոնք ներառում են նավթի արտահանումը, բանկային և ապահոգրական բնագավառները, նավագնացությունը, նավթաքիմիան, շինարարությունը և ավտոմոբիլների արտադրությունը, և անձնական, որոնք սահամանվել են Իրանի ֆիզիկական և իրավական անձանց նկատմամբ: Խաթիբզադեի խոսքով՝ «այն, ինչ այժմ տեղի Է ունենում Վիեննայում, առնչություն չունի (Իրանի նախագահական) ընտրությունների և Իրանի ներքին իրադրության հետ»:

«(Բանացությոնների) հարցերով պետք Է քաղաքական լուծում ընդունվի (երկխոսության մասնակից երկրների) մայրաքաղաքներում: Եթե դա տեղի ունենա, ապա միջուկային գործարքին վերադարձը հնարավոր Է»,- հավելել Է նա:

Հունիսի 12-ին ԳՀՀՊ-ի շուրջը Համատեղ հանձնախումբը Վիեննայում սկսել Է իրանական միջուկային գործարքի վերականգնման բանակցությունների վեցերորդ փուլը: Ինչպես հայտարարել Է Իրանի փոխարտգործնախարար Աբաս Արաղչին, բանակցությունների նոր փուլը հազիվ թե դառնա եզրափակիչը, և բանակցողները կոնսուլտացիաների համար ստիպված դեռ պետք Է առնվազն մեկ անգամ մեկնեն իրենց պետությունների մայրաքաղաքներ:


© armedia.am