ՀՀ առողջապահության նախարարությունը բանակցությունների շնորհիվ ձեռք է բերել COVID-19-ի դեմ պատվաստանյութի նոր խմբաքանակ:
Այս մասին «Ֆեյսբուքի» իր էջում գրել է ՀՀ առողջապահության նախարար Անահիտ Ավանեսյանը:
«Չինական «Սինոֆարմ» պատվաստանյութի 200 հազար դեղաչափը նախատեսված է 100 հազար հոգու համար։ Պատվաստանյութը հասանելի է 18 տարեկանից բարձր բոլոր քաղաքացիների համար` առանց սահմանափակումների։ Օգտվեք առողջ լինելու Ձեր իրավունքից, պետությունը անվճար հիմունքներով բոլորի համար ապահովում է պատվաստանյութ, որը մեզ կպաշտպանի COVID-19-ի ծանր ընթացքից և մահվան ելքերից»,- գրել է Ավանեսյանը։