ՌԴ ԱԳՆ-ն հրապարակել է ԱՄՆ-ի և ՆԱՏՕ-ի հետ անվտանգության երաշխիքների մասին համաձայնագրերի նախագծերը

• 17.12.2021, 19:51
•  ԵԱՏՄ,  Աշխարհ

© Фото : МИД России

ՌԴ ԱԳՆ-ն իր պաշտոնական կայքում հրապարակել է Ռուսաստանի, ՆԱՏՕ-ի և ԱՄՆ-ի միջև անվտանգության երաշխիքների մասին պայմանագրերի նախագծերը, գրում է ՌԻԱ Նովոստի-ն։

Առաջին փաստաթղթի հիմնական դրույթները.

-բացառել ՆԱՏՕ-ի հետագա ընդլայնումը և Ուկրաինայի անդամակցությունը դաշինքին.

- չտեղակայել լրացուցիչ զինվորական անձանց և զինամթերք այն երկրներից դուրս, որտեղ նրանք գտնվում էին 1997 թվականի մայիսին (մինչև Արևելյան Եվրոպայի երկրների դաշինքին միանալը), բացառությամբ բացառիկ դեպքերի՝ Ռուսաստանի և ՆԱՏՕ-ի անդամների համաձայնությամբ.

- հրաժարվել ՆԱՏՕ-ի ռազմական գործողություններից Ուկրաինայում, Արևելյան Եվրոպայում, Անդրկովկասում, Կենտրոնական Ասիայում.

-չտեղակայեյ միջին և փոքր հեռահարության հրթիռներ, որտեղ դրանք կարող են խոցել մյուս կողմի տարածքը.

- հաստատել, որ կողմերը միմյանց չեն համարում հակառակորդներ, ամրապնդել համաձայնությունը՝ բոլոր վեճերը խաղաղ ճանապարհով լուծելու և ուժի կիրառումից զերծ մնալու համար,

- պարտավորություն ստանձնել չստեղծել այնպիսի պայմաններ, որոնք կարող են դիտվել որպես սպառնալիք մյուս կողմի համար:

Երկրորդ փաստաթղթի հիմնական դրույթները.

- զենք և ուժեր չտեղակայել այն տարածքներում, որտեղ դա մյուս կողմից կընկալվի որպես ազգային անվտանգության սպառնալիք,

-զերծ մնալ ազգային ջրերից դուրս գտնվող տարածքներում ռազմանավերի առկայությունից, որտեղից նրանք կարող են խոցել մյուս կողմի տարածքում գտնվող թիրախները,

- չտեղակայել միջուկային զենք արտասահմանում և վերադարձնել արդեն տեղակայվածները, ինչպես նաև վերացնել իրենց տարածքից դուրս միջուկային զենքի տեղակայման ենթակառուցվածքը: