Նիկոլ Փաշինյանն ու Իլհամ Ալիևը դեկտեմբերի 28–ին կշփվեն, բայց՝ ոչ պաշտոնական

• 24.12.2021, 20:56
•  Տարածաշրջան,  Աշխարհ,  Հայաստան

ՀՀ վարչապետ Նիկոլ Փաշինյանը կմասնակցի դեկտեմբերի 28–ին Սանկտ Պետերբուրգում նախատեսված ԱՊՀ ոչ պաշտոնական գագաթնաժողովին։

Ինչպես հայտնում է Aysor.am-ը՝ լրագրողն առցանց ասուլիսի ժամանակ Փաշինյանից հետաքրքրվել է՝ հնարավո՞ր է այդ գագաթնաժողովի ժամանակ կայանա Հայաստանի ու Ադրբեջանի ղեկավարների հանդիպումը։

«Այո, մասնակցելու եմ, այս պահին պաշտոնական երկկողմ հանդիպման առաջարկ չկա, բայց Ադրբեջանի նախագահի հետ անպայման շփում կլինի», – հայտարարել է Փաշինյանը։

Նա, սակայն, ընդգծել է՝ պաշտոնական բանակցության առաջարկ, համենայնդեպս, այս պահին դեռ չեն ստացել։

«Քանի որ գագաթնաժողովը ոչ ֆորմալ է, բոլոր շփումները կլինեն ոչ ֆորմալ, բայց որևէ շփում միանշանակ կլինի, բայց ոնց, տեղում կերևա՝ ըստ իրավիճակների, ըստ հանգամանքների», – ընդգծել է ՀՀ վարչապետը։