ՆԱՏՕ-ի կողմից անվտանգության երաշխիքների տրամադրումը կախված է ՌԴ-ԱՄՆ բանակցությունների արդյունքներից
Երեկ Բրյուսելում ՆԱՏՕ-ի և Ռուսաստանի միջև չորս ժամ տևած բանակցություններն, ինչպես և սպասելի էին, էական արդյունք չեն տվել։ Դրանց մասին առաջինը խոսեց ՆԱՏՕ-ի գլխավոր քարտուղար Յենս Ստոլտենբերգը, ապա մեկնաբանություններ հնչեցին Ռուսաստանի ԱԳՆ-ից ու ՌԴ ՊՆ-ից։ Երկու կողմերն էլ ընդգծեցին, որ Եվրոպայում ռազմական հակամարտության վտանգը դեռևս շարունակում է իրական մնալ։
Նախ նշենք, որ քննարկումները տեղի են ունեցել Ռուսաստանի կողմից վերջերս ներկայացված առաջարկների շուրջ։ Մոսկվան Արևմուտքից իրավական փաստաթղթով ամրագրված անվտանգության երաշխիքներ է պահանջում՝ դաշինքի ընդլայնումն արևելյան ուղղությամբ բացառելու, Ուկրաինային կամ նախկին ԽՍՀՄ այլ երկրի ՆԱՏՕ-ի կազմ չընդունելու և Արևելյան Եվրոպայի երկրներից ռազմական ենթակառուցվածքներն ու դաշինքի ուժերը դուրս բերելու համար։ Այլ կերպ ասած, բանակցությունների սեղանին են դրված ինչպես Ռուսաստանի, այնպես էլ ՆԱՏՕ-ի համար բավականին զգայուն հարցեր, որոնց շուրջ կողմերը դեռևս զգալի տարաձայնություններ ունեն, և դրանց վերաբերյալ ընդհանուր մոտեցումներ գտնելու համար ժամանակ է անհրաժեշտ։
Իրականում կողմերը ներկայումս լարվածությունն ինչ-որ չափով թուլացնելուց բացի, դեմք պահելու նպատակ են հետապնդում և փորձում են անել ամեն հնարավորը նախևառաջ խուսափելու իմիջային հարված ստանալուց՝ Ռուսաստանը՝ որպես գերտերություն, ՆԱՏՕ-ն՝ որպես անդամ-պետությունների անվտանգության երաշխավոր և կառույցին անդամակցել ցանկացող պետություններին աջակցող։ Իսկ դեմք պահելու հանգամանքն իրականում էլ ավելի պայթունավտանգ է դարձնում առանց այդ էլ լարված իրավիճակը։ Եթե անգամ կուլիսների հետևում ՆԱՏՕ-ում բանավոր համաձայնվեն չընդլայնվել դեպի արևելք և որոշում կայացնեն Ուկրաինայի և Վրաստանի անդամակցությունը չընդունելու վերաբերյալ, միևնույն է ՆԱՏՕ-ն պատրաստ չէ, ինչպես Ռուսաստանն է պահանջում, այդ համաձայնությանը գրավոր իրավական ամրագրում ապահովել, քանի որ դա կընկալվի որպես դավաճանություն ՆԱՏՕ-ի կազմից դուրս գտնվող դաշնակիցների նկատմամբ: Մի կողմից ՆԱՏՕ-ն չի պատրաստվում Ուկրաինային մոտ ժամանակներս ընդունել իր կազմ (այդ մասին են վկայում Սթոլտենբերգի վերջին շրջանում արված հայտարարությունները), մյուս կողմից չի կարողանում հրաժարվել իր խոստումներից, ավելին՝ հնարավոր եղանակներ է քննարկում հնարավորինս անվնաս մանևրելու համար։ Իսկ Ռուսաստանն ամեն գնով փորձում է հասնել, ոչ թե բանավոր պայմանավորավածության, ինչպես դա եղել է ԽՍՀՄ տարիներին, այլ գրավոր իրավական երաշխիքների։
Սակայն հարկավոր է նշել, որ այդ երաշխիքների ապահովումը կապված է ոչ այդքան ՆԱՏՕ-ից, որքան առանձին վերցրած ԱՄՆ-ից։ ՆԱՏՕ-Ռուսաստան խորհրդի նիստին չպետք է այդքան կարևորություն տալ, քանի որ անվտանգության երաշխիքների վերաբերյալ հիմնական բանակցություններն ընթանում են ԱՄՆ-ի և Ռուսաստանի Դաշնության միջև, իսկ դաշինքը «հարմարվում է» դրանց արդյունքներին։ Հետևաբար, թե ինչ ընթացք կստանան Արևմուտք-ՌԴ հարաբերությունները կախված են երկու գերտերությունների՝ ՌԴ-ԱՄՆ բանակցությունների արդյունքներից, որոնք արդեն իսկ մեկնարկել են Ժնևում։
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 51%
Քամի՝ 3,09 կմ/ժ