ԵՐԵՎԱՆ 16 C°
ՀՀ ԿԲ -
  • USD - 452 դրամ -0,7 EUR - 484 դրամ -0,71 RUB - 8 դրամ -0,02 GBP - 566 դրամ -0,33
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Լիազորել եմ Ռուբինյանին, սակայն գործընթացի ողջ պատասխանատվությունը կրում եմ ես. Փաշինյան

ՀՀ վարչապետ Նիկոլ Փաշինյանը վստահեցնում է՝ անկախ նրանից, թե ով է Թուրքիայի հետ կարգավորման գործընթացի հարցով Հայաստանի հատուկ ներկայացուցիչը, գործընթացի ամբողջ պատասխանատվությունը կրում է և կրելու է ինքը: «Արմենպրես»-ի հաղորդմամբ՝ Փաշինյանն այս մասին ասաց ԱԺ-ում կառավարության անդամների հետ հարցուպատասխանին՝ անդրադառնալով «Հայաստան» խմբակցության պատգամավոր Գեղամ Մանուկյանի հարցին, թե Թուրքիայի հետ կարգավորման գործընթացի համար Ռուբեն Ռուբինյանին  հատուկ ներկայացուցիչ նշանակելու որոշումն ո՞վ է կայացրել և ինչի՞ հիման վրա:

«Ռուբեն Ռուբինյանին այդ կարգավիճակով օժտելու որոշումը ես եմ կայացրել, կայացրել եմ քաղաքական նպատակահարմարությունից ելնելով: Ռուբեն Ռուբինյանը հաշվետու է ինձ, Անվտանգության խորհրդին, նաև մեծ հաշվով` ժողովրդին»,-ասաց Փաշինյանը:

Մանուկյանը հետաքրքրվեց՝ կա արդյոք  որևէ գրավոր փաստաթուղթ՝ մտահոգություն հայտնելով, որ, եթե հանկարծ Ռուբինյանն ինքը այդ բանակցություններում վտանգավոր համաձայնություն կայացնի, Նիկոլ Փաշինյանի ստորագրությամբ փաստաթուղթ չի լինելու:

Վարչապետը վստահեցրեց. «Անկախ նրանից, թե ով կլինի բանակցողի կարգավիճակում, պարզ է, որ պրոցեսի ամբողջ պատասխանատվությունը կրում եմ ես, ով ուզում է լինի: Ես Ռուբինյանին օժտել եմ նաև այդ լիազորություններով՝ հաշվի առնելով անհրաժեշտությունը, որ ես այնտեղ նրա գործողությունների ամբողջ պատասխանատվությունը պետք է կրեմ: Եվ ես այդպես վարվել եմ,  որ հանկարծ, ենթադրենք, թաքնված գաղտնի կուսակցականի այդ կարգավիճակով չօժտեմ, որ պետությանը զեկուցելու փոխարեն գա և զեկուցի այլ երկրների ազդեցության գործակալներին: Ես եմ կրում պատասխանատվություն, լիազորել եմ և կրում եմ պատասխանատվությունը և կրելու եմ պատասխանատվությունը»:


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 34%
Քամի՝ 2,57 կմ/ժ
16 C°
 
21°   
26.05.2022
25°  11° 
27.05.2022
Հարցում

Կկարողանա՞ն արդյոք Ռուսաստանն ու Ուկրաինան մոտ ապագայում ճանապարհ հարթել դեպի խաղաղություն: