Փորձում ենք պարզել, թե մեր ուղարկած փաթեթի որն մասն է Ադրբեջանի համար անընդունելի. Արարատ Միրզոյան

• 28.01.2022, 10:12
•  Տարածաշրջան,  Աշխարհ,  Հայաստան

«Մենք հստակցումները դեռ չունենք, ճշգրտման փուլում են այդ հստակեցումները»,- «Եռաբլուր» զինվորական պանթեոնում լրագրողերին հետ զրույցում ասաց ՀՀ արտաքին գործերի նախարար Արարատ Միրզոյանը՝ պատասխանելով հարցին, թե հայկական կողմի՝ Հայաստան-Ադրբեջան սահմանագոտում իրավիճակի դեէսկալացիային, լարվածության նվազմանն ուղղված առաջարկներից Ադրբեջանի համար կոնկրետ ի՚նչն է անըդնունելի, սա արդյո՞ք փակուղի չի տաում։

Նախարարն ասաց, որ անընդհատ քննարկում կա, այն շարունակվում է։

«Մենք փորձում ենք պարզաբանումներ ստանալ, թե հատկապես որ  մասն է անընդունելի, ինչ հիմնավորմամբ, ըստ այդմ՝ ինչպիսի նոր լուծումներ կարող են լինել»,- ասաց Ա. Միրզոյանը։

Հիշեցնենք, որ հունվարի 19-ին ԱԺ-ում Արարատ Միրզոյանը հայտարարել էր. «Հայկական կողմը Հայաստան-Ադրբեջան սահմանագոտում իրավիճակի դեէսկալացիային, լարվածության նվազմանը, անվտանգության և կայունության մակարդակի բարձրացմանն ուղղված մի շարք միջոցառումների փաթեթ է նախապատրաստել և փոխանցել ինչպես ռուսական կողմին, այնպես էլ  ռուսական կողմի միջնորդությամբ՝ Ադրբեջանին, մյուս  գործընկերներին»։