Ղազախստանը դուրս է եկել ԱՊՀ-ի հարկային համաձայնագրից

• 19.05.2022, 19:12
•  ԵԱՏՄ,  Աշխարհ

gazeta.ru

Ղազախստանի խորհրդարանի Սենատը (վերին պալատը) հինգշաբթի օրենք է ընդունել Անկախ Պետությունների Համագործակցության անդամ պետությունների կառավարությունների միջև հարկային քաղաքականության համաձայնեցված սկզբունքների մասին համաձայնագրի դադարեցման մասին արձանագրությունը վավերացնելու մասին, որը ստորագրվել էր 1992թ. մարտի 13-ին, անկախ հետխորհրդային պետությունների կայացման շրջանում։ Հանդիպումը հեռարձակվել է օրենսդիր մարմնի կայքում։

«Համաձայնագիրը ստորագրվել է հետխորհրդային անկախ պետությունների ձևավորման ժամանակաշրջանում՝ հարկման սկզբունքների և կանոնների միասնականացման վրա հիմնված համակարգված հարկային քաղաքականություն վարելու նպատակով:

Բացի այդ, կողմերը համաձայնեցրել են Եկամուտների և գույքի կրկնակի հարկումից խուսափելու վերաբերյալ ԽՍՀՄ-ի կողմից օտարերկրյա պետությունների հետ կնքված ավելի վաղ համաձայնագրերի կատարման հարցը»,- ասված է Սենատի Ֆինանսավարկային և բյուջետային կոմիտեի եզրակացության մեջ:

Նշվում է, որ համաձայնագրի ստորագրումից անցել է 30 տարի, ուստի փաստաթուղթը դադարել է ակտուալ լինել։ Բացի այդ, փաստաթղթի երկարաձգման համար դիմումների բացակայության պատճառով ԱՊՀ երկրները որոշել են դադարեցնել այն։
Սենատի ընդունումից հետո ԱՊՀ անդամ երկրների կառավարությունների միջեւ համաձայնագրի գործողության դադարեցման մասին արձանագրության վավերացման մասին օրենքը կուղարկվի Ղազախստանի նախագահին, որպեսզի վերջինս այն ստորագրի։