ԵՐԵՎԱՆ 5 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

ԱԻՆ-ում հյուրընկալվել է ԱՄՆ դեսպանատան Երկկողմ հարաբերությունների գծով սպա մայոր Մայքլ Հայեսը. քննարկվել են ընթացիկ ծրագրերը

Արտակարգ իրավիճակների նախարարությունում հունիսի 27-ին հյուրընկալվել է ՀՀ-ում ԱՄՆ դեսպանատան Երկկողմ հարաբերությունների գծով սպա մայոր Մայքլ Հայեսը: Նրանց ընդունել են ԱԻ նախարարի տեղակալ Դավիթ Համբարյանը և ԱԻՆ ՓԾ տնօրեն, գնդապետ Արմեն Գասպարյանը, հանդիպմանը ներկա էին տնօրենի տեղակալ, գնդապետ Կարապետ Մանուկյանը և դեսպանատան ռազմական ծրագրերի համակարգող Անի Մելքումյանը:

Կողմերն անդրադարձել են ընթացիկ համատեղ ծրագրերին, քննարկել համագործակցության շրջանակում նախատեսվող միջոցառումների նախապատրաստական աշխատանքները: Դավիթ Համբարյանն առանձնացրել է մի քանի կարևոր ծրագրեր, որոնք իրականացման փուլում են: Մասնավորապես ընթացքի մեջ է Սևանի ազգային պարկի տարածքում գործող հատուկ ջրափրկարարական կենտրոնի, Աշոցքի, Եղեգնաձորի, Բաղրամյանի և Ստեփանավանի ջոկատների շենքերի կառուցման աշխատանքները:

Արմեն Գասպարյանն էլ ընդգծել է, որ ԱՄՆ դեսպանատան հետ համատեղ նախարարությունը բազմաթիվ ծրագրեր է իրականացնում. առկա է հարուստ օրակարգ՝ անձնակազմի վերապատրաստումից մինչև շենքային պայմանների բարելավում:

Մայքլ Հայեսն իր հերթին նշել է, որ նախորդ հանդիպման ժամանակ պայմանավորվածություն էր ձեռք բերվել հայ-ամերիկյան համատեղ վարժանքի անցկացման վերաբերյալ: Նա ընդգծել է, որ ամերիկյան կողմը շատ հետաքրքրված է միջոցառման անցկացմամբ և պատրաստ է քննարկել բոլոր մանրամասները:

Նախարարի տեղակալ Դավիթ Համբարյանը հանդես է եկել առաջարկներով, որոնց շարքում է կինոլոգիական ջոկատի շենքային պայմանների բարելավումը: Հանդիպման վերջում զրուցակիցները պայմանավորվել են շարունակել ակտիվ համագործակցությունը:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 52%
    Քամի՝ 3,6 կմ/ժ
    5 C°
     
    20°   
    30.03.2024
    19°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: