Արցախից պնդում են՝ Պաշտպանության բանակից հրաժարվելու ծրագրեր չունեն (Ազատության)
Արցախից պնդում են՝ Պաշտպանության բանակից հրաժարվելու ծրագրեր չունեն։ Թե՛ Երևանից, թե՛ Ստեփանակերտից հայտարարում են՝ Արցախում հայաստանյան զորքեր չկան։
Բաքուն պարբերաբար պահանջում է Ղարաբաղից դուրս բերել հայկական զինված ուժերը, վերջին անգամ՝ երեկ արտգործնախարար Բայրամովը ձևակերպեց ակնկալիքը՝ թերևս նկատի ունենալով Արցախի ՊԲ-ը։
ՊՆ-ն Արցախի 11 նախարարություններից մեկն է։ ՊԲ-ի հրամանատարը հենց ռազմական գերատեսչության ղեկավարն է։
«Պաշտպանության բանակից հրաժարվելը հավասարազոր է դավաճանության, Պաշտպանության բանակից հրաժարվելը կարող է նոր 1915 թվական բերել Արցախի ժողովրդի համար, ինչպես նաև հետագա զարգացումներով ողջ Հայաստանի, Ադրբեջանը չի սահմանափակվում», - «Ազատության» հետ զրույցում ասաց Արցախի Ազգային ժողովի Պաշտպանության, անվտանգության հարցերի հանձնաժողովի նախագահ Սեյրան Հայրապետյանը:
Նաև իշխող «Ազատ հայրենիք-Քաղաքացիական միացյալ դաշինք» խմբակցությունը ղեկավարող Արթուր Հարությունյանն էր պնդում՝ բանակից հրաժարվել չեն պատրաստվում ինքնապաշտպանության համար։
Ղարաբաղից հայկական զինված ուժերի դուրսբերում պահանջող Բաքուն հղում է անում նոյեմբերի 9-ի եռակողմ հայտարարությանը։
Իշխանական խմբակցության ղեկավարը հակադարձում է՝ նույն այդ հայտարարության կետերը Ադրբեջանը չի կատարում՝ հրադադարն է խախտում, չի վերադարձնում հայ գերիներին։
«Զինված ուժերի դուրսբերման հետ կապված այնտեղ գրված է՝ ռուսական խաղաղապահ կոնտինգենտի տեղակայմանը զուգահեռ դուրս են բերվում հայկական զինված ուժերը: Պատերազմից հետո նոր զորակոչ Հայաստանից չկա, և որը եղել է նախկինում, հիմա էլ արդեն չկա: Եթե խոսքը վերաբերում է ինքնապաշտպանության ուժերին կամ Պաշտպանության բանակին, իհարկե, չի կարող Արցախի Հանրապետությունը առանց ինքնապաշտպանության ուժերի մնալ: ՄԱԿ-ի կանոնադրության համաձայն Արցախի ժողովուրդն իրավունք ունի ինքնապաշտպանություն կազմակերպելու», - ասաց Հարությունյանը:
Կառավարության վերջին նիստում Հայաստանի վարչապետ Նիկոլ Փաշինյանը նախ հայտարարել էր, որ ԼՂ-ում ՀՀ զինծառայող չկա, նաև՝ իր կարծիքը հայտնել Արցախի ՊԲ-ի դուրսբերման՝ Բաքվից հնչող պահանջների մասին։
«Եթե Ռուսաստանի Դաշնության խաղաղապահ զորախումբը, Ադրբեջանը երաշխավորի շփման գծի անձեռնմխելիությունը, Լեռնային Ղարաբաղի Պաշտպանության բանակը, կարծում եմ, մարտական հերթապահություն իրականացնելու անհրաժեշտություն չի ունենա: Նման անհրաժեշտություն առաջացել է միայն այն բանից հետո, երբ Ադրբեջանը հրաժարվել է ստորագրել խաղաղապահների մանդատը ու շարունակաբար խախտում է 2020 թվականի նոյեմբերի 9-ի եռակողմ հայտարարության դրույթները, այդ թվում՝ բոլոր ռազմական գործողությունների դադարեցման մասին, որը վերը նշված փաստաթղթի բուն էությունն է», - նշեց Փաշինյանը:
Արձագանքելով Փաշինյանի հայտարարությանը՝ Արցախի ԱԺ-ի Պաշտպանության հանձնաժողովի նախագահ Հայրապետյանն ասում է՝ եթե Ադրբեջանը երաշխավորի շփման գծի անձեռնմխելիությունը, շատ լավ կլինի, բայց համոզված է՝ չեն անելու. - «Այս զորակազմի քանակով, ինչքան որ կա, էդ համապատասխան սահմանի երկայնքով հնարավոր չի մարտական հերթապահություն իրականացրած, իսկ Ադրբեջանը, եթե ինչ-որ մեկը խաբկանքներ ունի, որ փոխվել է ու խաղաղության է գնում, ես կասեմ, որ այդպես չէ, ու էս երկու տարում մենք դա բազմիցս տեսել ենք»:
Սեյրան Հայրապետյանը նաև ասում էր՝ Ադրբեջանից իրականացվող ռազմական ագրեսիայի պայմաններում իրավիճակին համապատասխան ՊԲ-ում պետք է բարեփոխումներ իրականացնեն։ Փակագծեր չբացեց։ Չբացառեց, որ հնարավոր է որոշակի անվանափոխություն լինի. - «Անունն էդքան էական չի: 90-ական թվականի սկզբներին եղել են ինքնապաշտպանական ուժեր, դա մեզ չի խանգարել, որ մեր հերոսները մեր պատմական հայրենիքը ազատագրեն»:
Արցախում հայտարարված մասնակի զորահավաքը 7 օր տևեց. օգոստոսի 3-ին՝ 2 զինծառայողի կյանք խլած, մոտ 2 տասնյակի վիրավորման պատճառ դարձած վերջին լարվածության օրերին նախագահ Արայիկ Հարությունյանը հրամանագիրը ստորագրեց։ Այսօր արդեն զորացրում հայտարարեց։
ԱԺ-ի Պաշտպանության հանձնաժողովի նախագահը չցանկացավ գնահատել այդ որոշումը՝ սահմանափակվելով՝ «եթե ստորագրել է, պետք է եղել» արտահայտությամբ։ Բայց թե՛ Հայաստանի, թե՛ Արցախի իշխանության շատ քայլերից դժգոհ էր:
«Մտահոգիչ է հայաստանյան իշխանությունների լուռ համաձայնությունը, անտարբերություն ասեմ, թե թույլ դիրքորոշում, ինչպես նաև Արցախի Հանրապետությունում իրականացվող միջոցառումները, քանի որ թշնամին ցանկացած պահանջ իրականացնելուց կամ կատարելուց հետո հերթական պահանջն է ներկայացնում: Զիջելով մենք կարող է ամեն ինչ զիջել», - ասաց Հայրապետյանը:
Ինչ վերաբերում է օգոստոսի 1-ից սրված սահմանային իրավիճակին, Արցախի պաշտպանության նախարարությունն առավոտյան տեղեկացրել է՝ գիշերը շփման գծում հրադադարի էական խախտում չի արձանագրվել։ Իրավիճակը, չնայած պահպանվող որոշակի լարվածությանը, հարաբերականորեն կայուն է եղել։
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 52%
Քամի՝ 3,6 կմ/ժ