Ղազախստանի կողմից ձեռնարկվող որոշ քայլեր Ղարաբաղի նկատմամբ բազմաթիվ հարցեր են առաջացնում. Դավիթ Բաբայան

• 26.08.2022, 12:00
•  Տարածաշրջան,  Ասիա,  Աշխարհ,  Հայաստան

Ղազախստանի որոշ քայլեր, մասնավորապես՝ Լեռնային Ղարաբաղի նկատմամբ, իսկապես շատ հարցեր են առաջացնում։ Այս մասին NEWS.am-ի թղթակցի հետ զրույցում ասաց Արցախի արտգործնախարար Դավիթ Բաբայանը՝ խոսելով Ղազախստանի նախագահի՝ Բաքու կատարած այցի շրջանակներում Ադրբեջանի կողմից օկուպացված Շուշին և Թուրքեստանը քույր քաղաքներ դարձնելու վերաբերյալ ստորագրված համաձայնագրի մասին։

«Ղազախստանն ու Ադրբեջանը շատ սերտ համագործակցում են, ընդ որում, երբեմն այդ համագործակցությունն ավելի մեծ ու բավականին վտանգավոր բանի է վերածվում։ Ղազախստանի կողմից ձեռնարկվող որոշ քայլեր, մասնավորապես՝ Լեռնային Ղարաբաղի հետ կապված, իսկապես շատ հարցեր են առաջացնում։ Դրա վառ օրինակն է Թուրքեստանի և Շուշիի՝ քույր-քաղաքների դառնալու մասին պայմանագիրը։ Բայց եկեք այլ տեսանկյունից նայենք գործընթացին՝ գաղափարների ու սկզբունքների։ Կան հզոր վեկտորներ, որոնք փորձում են ուշադրությունը շեղել այս բաղադրիչի կարևորությունից, ,ցույց տալ, որ դա կարևոր չէ, հատկապես՝ միջազգային հարաբերությունների զարգացման ներկա փուլում, որ դա անցյալի մնացուկ՝ մտածել գաղափարախոսության և արժեքների մասին։ Իրականում այդպես չէ։ Հենց այն ուժերը, որոնք փորձում են վարկաբեկել այդ արժեքները, իրենք են պայքարում սեփական արժեքների համար և այն արժեքների դեմ, որոնք շատ ժողովուրդների օգնում են գոյատևել։ Ինչո՞ւ հենց Թուրքեստան։ Ի՞նչ է, Ղազախստանում այլ քաղաքներ չկան։ Որովհետև այստեղ թույլ ուժի տարր կա՝ պանթուրքիզմը։ Դա հենց այնպես չէ: Շուշին որպես ցատկահարթակ է օգտագործվում պանթուրքիստական ​​գաղափարների իրականացման, գործնական իրականացման համար, այն դեպքում, որ Շուշիին պետք է ինչ-որ սուրբ նշանակություն տալ թյուրքական աշխարհում։ Փաստ է, որ ամեն ինչ հենց այսպես է լինում։ և այն, որ իրենք Ղազախստանին են ներգրավում այդ գործընթացներին, իսկ Ղազախստանը փաստացի ուզում է ներգրավվել։ Միթե՞ փոխգործակցության այլ ոլորտներ չկան, անպայման պետք է Շուշին պայմանագրի մաս դարձնել։ Այն պատճառով, որ այստեղ կարևոր է արժեքներ օգտագործելը. մեր ժողովրդի դեմ շատ հզոր պայքար է տարվում հենց այս ոլորտում՝ արժեքների ոլորտում, փորձում են խարխլել մեր արժեքները և ինքնագիտակցությունը, ընդ որում, ոչ միայն Ադրբեջանի՝ այլ երկրների հետ համագործակցության ձևաչափով, մասնավորապես՝ Ղազախստանի հետ, այլ՝ ել ավելի խորը։