ԱԺ գումարել է արտահերթ նիստ. ԲԴԽ անդամի թեկնածու է առաջադրվել Կարեն Անդրեասյանը
Ինձ համար մեծ պատիվ է Բարձրագույն դատական խորհրդի անդամի պաշտոնում առաջադրվելը. իր ելույթում նշել է ԲԴԽ անդամի թեկնածու Կարեն Անդրեասյանը: Նա ընդգծել է, որ դրական քվեարկության դեպքում մեծ ուրախությամբ է ստանձնելու այդ պաշտոնը:
Հոկտեմբերի 6-ին Ազգային ժողովի պատգամավորների նախաձեռնությամբ գումարվել է արտահերթ նիստ. օրակարգում Բարձրագույն դատական խորհրդի երկու անդամի ընտրության հարցն է:
«Ազգային ժողովի կանոնակարգ» սահմանադրական օրենքի 144-րդ հոդվածի 2-րդ մասի համաձայն՝ Ազգային ժողովի «Քաղաքացիական պայմանագիր» խմբակցությունը Բարձրագույն դատական խորհրդի անդամի պաշտոնում առաջացած տեղի համար թեկնածու է առաջադրել Կարեն Անդրեասյանին:
Թեկնածուի կենսագրական տվյալներն ու մասնագիտական անցած ուղին ներկայացրել է ԱԺ պետական-իրավական հարցերի մշտական հանձնաժողովի նախագահ Վլադիմիր Վարդանյանը:
Կարեն Անդեասյանի խոսքով՝ մարդիկ ձանձրացել և հոգնել են 30 տարի լսել, որ շուտով դատարանները չեն լինելու այնպիսին, ինչպիսին եղել են տասնամյակներ շարունակ: «Հոգնել են նաև իմ խոսքերից, որովհետև ես այս մասին խոսում եմ գրեթե 20 տարի: Չեմ ասում, որ քիչ բան է արվել, որպեսզի մենք ունենանք մեր երազանքի դատարանները, բայց, ցավոք, նաև ներկայիս քաղաքական իշխանությունը բազմաթիվ անգամներ պնդել է, որ այդ արդյունքները, որոնք արվել են դատական համակարգում, բավարար չեն: Ես փորձել եմ նպաստել դատական համակարգի, դատարանների լավը լինելուն՝ որպես դասախոս, որպես փաստաբան, որպես Մարդու իրավունքների պաշտպան, որպես գործարար, որպես ՀԿ ներկայացուցիչ, որպես միջազգային կազմակերպության ներկայացուցիչ և վերջում՝ որպես նախարար»,-ընդգծել է թեկնածուն:
Նա տեղեկացրել է, որ բոլոր այդ փորձերն ունեցել են մասնակի հաջողություն, մեծամասամբ նաև ձախողումներ: Թեկնածուն խոստացել է, որ վստահության քվեի դեպքում կլինի ԲԴԽ այն անդամներից մեկը, որը կգործի արդար, իսկ դա, ըստ նրա, բավական է ավելի շատ բան անելու համակարգի համար, քան բոլոր թվարկված պաշտոններում ու հանգամանքներում: «Արդար դատարանը միշտ եղել է իմ երազանքը, և սա հնարավորություն է, ի վերջո, իմ երազանքին իսկապես մոտենալու»,- իր ելույթը եզրափակել է ԲԴԽ անդամի թեկնածու Կարեն Անդրեասյանը:
Թեկնածուն պատասխանել է նաև պատգամավորների հարցադրումներին:
Պատգամավոր Հասմիկ Հակոբյանը թեկնածուից մեկնաբանություն է խնդրել մամուլում շրջանառվող այն լուրերի վերաբերյալ, ըստ որոնց, Կարեն Անդրեասյանը չի կարող լինել ԲԴԽ անդամ՝ մասնավոր ընկերության սեփականատեր լինելու պատճառով:
Թեկնածուն, դիմելով լրագրողներին, խնդրել է, որ ինչ-որ հրապարակում կատարելուց առաջ գոնե ճշտեն այն ինֆորմացիան, որը բաց է, ապա ավելացրել է, որ երբեք չի եղել այն իրավաբանական ընկերության բաժնետերը, որի մասին մամուլում գրված է: Նա ավելացրել է, որ այդ ընկերությունում իր կինն ունի բաժնեմաս, ինչը խոչընդոտ չէ իր՝ ԲԴԽ անդամի թեկնածու լինելու համար:
ԱԺ ֆինանսավարկային և բյուջետային հարցերի մշտական հանձնաժողովի նախագահ Գևորգ Պապոյանը թեկնածուից հետաքրքրվել է այն առաջնային ծրագրերով, որոնք կյանքի են կոչվելու անմիջապես: Կարեն Անդեասյանը, պատասխանելով հարցին, նշել է, որ ԲԴԽ անդամը միայն մի անելիք ունի՝ քվեարկել արդար: Անդրադառնալով համակարգին՝ նա նշել է, որ կան հսկայածավալ ասելիքներ ու անելիքներ՝ դատարանների գերծանրաբեռնվածությունից մինչև դատավորների խմբավորումներ, որոնք փորձում են պահպանել յուրային և ոչ յուրային տրամաբանությունը:
Տնտեսական հարցերի մշտական հանձնաժողովի նախագահի տեղակալ Բաբկեն Թունյանը թեկնածուից հետաքրքրվել է, թե ԲԴԽ անդամ դառնալու դեպքում արդյո՞ք չեն տուժի այն նպատակներն ու անելիքները, որոնք ուներ Արդարադատության նախարարը, ապա ավելացրել՝ դրանով արդարադատության համակարգն ավելի շատ շահելո՞ւ է, թե՞ տուժելու:
Կարեն Անդրեասյանն անկեղծացել է, որ ԲԴԽ անդամի թեկնածու դառնալու առաջարկը ստանալուց հետո ինքը ևս ունեցել է այդ ներքին պայքարը: Նա ընգդծել է, որ մեծ է եղել գայթակղությունն ընտրել շարունակել այն բազմաթիվ ծրագրերը, որոնք մեկը մյուսից կարևոր են լինելու ամբողջ արդարադատության համակարգի համար, թե՞ գնալ ԲԴԽ ու կենտրոնանալ հատկապես դատարանների վրա: Թեկնածուն կրկնել է, որ երբեմն մեկ արդար քվեով կարող է ավելի շատ բան փոխվել ամբողջ արդարադատական համակարգում:
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 20%
Քամի՝ 0,51 կմ/ժ