ԱՊՀ երկրների ղեկավարների ոչ պաշտոնական հանդիպումը տեղի կունենա հոկտեմբերի 7–ին. Պեսկով

Հոկտեմբերի 7-ին Սանկտ Պետերբուրգում տեղի կունենա ԱՊՀ երկրների ղեկավարների ոչ պաշտոնական հանդիպում։ Տեղեկությունը լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։

Նա չի բացառել, որ ԱՊՀ երկրների ղեկավարները կշնորհավորեն Վլադիմիր Պուտինին տարեդարձի կապակցությամբ, քանի որ տարիներ շարունակ ճանաչում են միմյանց։

«Որպես կանոն` արարողակարգը դա (շնորհավորանքները, - խմբ.) երբեք չի նախատեսում: Եվ հաճախ նվերները փոխանցվում են արձանագրությունների միջոցով, բայց բոլորը միմյանց նոր չեն ճանաչում շատերն իրար գիտեն ավելի քան մեկ տասնամյակ, ուստի, զուտ մարդկայնորեն, կշնորհավորեն ծննդյան օրվա առթիվ»,- ասել է Պեսկովը։

Նա նաև նշել է, որ հոկտեմբերի 7–ին նախագահին հագեցած աշխատանքային օր է սպասում։