Մենք պատրաստ ենք Ադրբեջանի հետ հարևանության, բայց անկախ կարգավիճակի հարցը չի կարող քննարկման առարկա լինել. Արցախի նախագահ
Արցախի Հանրապետության նախագահ Արայիկ Հարությունյանը Ֆրանսիայից ավելին է ակնկալում, քան բարոյական աջակցությունն է: «Արմենպրես»-ի հաղորդմամբ, այս մասին ասվում է նախագահի՝ ֆրանսիական «Ֆրանս 24» պետական հեռուստաընկերությանը տված հարցազրույցում:
«Նախ կցանկանայի անդրադառնալ հումանիտար հարցերին, այս առումով մեր հիմնական խնդիրն է 40 հազար տեղահանված արցախցիների համար անհրաժեշտ պայմաններ ստեղծումը՝ կեցության, ապրուստի, աշխատելու: Ցավոք, Ադրբեջանի պատճառով շատ մարտահրավերներ ենք ունենում, շատ խնդիրների հետ ենք բախվում, Ադրբեջանը ջանում է ցանկացած միջոցներով մեզ խանգարել իր սադրիչ գործողություններով, խաղաղ բնակչության նկատմամբ մշտական հրաձգություններով, իսկ վերջերս էլ որոշակի խնդիրներ ենք ունեցել Լաչինի միջանցքով երթևեկության հետ կապված, ի դեպ, դա մեր միակ կապն է արտաքին աշխարհի հետ»,- նշում է Արայիկ Հարությունյանը:
Նա ընդգծում է՝ շնորհակալ է Ֆրանսիային դեռևս 2020 թվականից մինչ այժմ ընդունված 4 հայանպաստ և Ադրբեջանին դատապարտող բանաձևերի համար, ապա հավելում՝ Արցախը «ավելին է ակնկալում, քան բարոյական աջակցությունն է»:
«Այս տեսանկյունից սա իմ առաջին այցելությունն է Եվրոպա, ես որոշել եմ սկսել Ֆրանսիայից, քանի որ Ֆրանսիայի քաղաքական դաշտը, հասարակական կարծիքը շատ ակտիվ ու միաբանված են Արցախի հարցի վերաբերյալ: Մենք հույս ունենք, որ Ֆրանսիան չի սահմանափակվի դրանով, և այդ աջակցությունը օրինակ կհանդիսանա մյուս պետությունների համար: Նրանք նույնպես կներգրավվեն մեր հիմնախնդրի արդյունավետ կարգավորման ընթացքին, որի ճանապարհը բացում է հենց Ֆրանսիան»,- ասում է նա:
Հարությունյանը շեշտում է՝ հայ ժողովուրդը նոր ցեղասպանության վտանգի առջև է հայտնվել, քանի որ «Արցախին միայնակ թողնելը, նշանակում է Արցախի բնակչությանը թողնել ֆիզիկական ոչնչացման»:
Լրագրողի հարցին, թե արդյոք Արցախի չլինելու դեպքում վտանգ է սպառնում Հայաստանին, Հարությունյանը պատասխանում է. «Միանշանակ, Ադրբեջանն ու Թուրքիան չեն թաքցնում իրենց ծրագրերը Սյունիքի վերաբերյալ և Զանգեզուրի միջանցքի պատրվակի տակ հավակնում են ՀՀ ամբողջ տարածքին: Մենք գիտակցում ենք, որ այսօր միայն Արցախի մասին չէ խոսքը, ամբողջ ՀՀ-ն է վտանգված, ամբողջ հայ ժողովուրդը, և սեպտեմբերյան զարգացումները, երբ ադրբեջանական զորքերը ներխուժեցին ՀՀ տարածք, դրա վառ ապացույցն են»:
Հարությունյանը հայտարարում է՝ Արցախը չի կարող ոչ մի ուրիշ ապագա ունենալ, բացի հայկական լինելը:
«Մենք պատրաստ ենք Ադրբեջանի հետ հարևանություն անել, նորմալ հարաբերություններ ունենալ, բայց անկախ կարգավիճակի հարցը չի կարող բանակցությունների կամ քննարկման առարկա լինել»,- ասում է նա:
Լրագրողի ճշտող հարցին, թե չի՞ քննարկվում արդյոք Հայաստանի հետ միացման տարբերակը, Արցախի նախագահն ասում է, որ յուրաքանչյուր արցախցու երազանքն է հայկական երկու պետությունների միավորումը, սակայն հասկանում են, որ միջազգային իրավունքի տեսանկյունից դա դեռևս իրատեսական չէ:
«Մենք պատերազմի կողմնակից չենք, մենք խաղաղության կողմնակից ենք, պարզապես ցանկանում ենք, որ մեր իրավունքները ճանաչվեն, և, վերջապես, խաղաղություն հաստատվի մեր տարածաշրջանում»,- ընդգծում է նա:
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 18%
Քամի՝ 2,57 կմ/ժ