ԵՐԵՎԱՆ
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 28 129,86 դրամ ԱՐԾԱԹ - 369,12 դրամ ՊԼԱՏԻՆ - 15 277,1 դրամ

Կիևը սպառնում է պատասխանատվության ենթարկել Պուտինին

Ուկրաինայի ԱԳՆ-ն բողոքի նոտա է հղել ռուսական արտաքին քաղաքական գերատեսչությանը՝ կապված օգոստոսի 17-ին Ռուսաստանի նախագահ Վլադիմիր Պուտինի, վարչապետ Դմիտրի Մետվեդևի և այլ պաշտոնատար անձանց Ղրիմի ինքնավար հանրապետություն կատարած այցելության հետ, որն, ըստ ուկրաինական կողմի, պետք է համաձայնեցվեր իրենց հետ:

Ուկրաինայի ԱԳՆ տարածած հայտարարության մեջ ասվում է, որ Ռուսաստանի առաջին դեմքերի Ղրիմ այցելությունը միջազգային իրավունքի նորմերի և ուկրաինական օրեսդրության խախտում է, որի համար Ուկրաինայի օրենքները ենթադրում են պատասխանատվության ենթարկում:

Ուկրաինայի նախագահ Պյոտր Պորոշենկոն Վլադիմիր Պուտինի այցը Ղրիմ որակել է որպես ողջ քաղաքակիրթ աշխարհին ուղղված մարտահրավեր, որը կոչված է սրելու իրավիճակը: Պորոշենկոյի կարծիքով՝ Պուտինի այցը Ղրիմ նշանակում է թերակղզու հետագա ռազմականացում և մեկուսացման խորացում:

Նշենք, որ օգոստոսի 17-ին Ռուսաստանի նախագահ Վլադիմիր Պուտինը Ղրիմում անց է կացրել զբոսաշրջության հարցերով Պետական խորհրդի նախագահության նիստ, որի օրակարգում հիմնականում ներքին տուրիզմի զարգացման հարցերն էին: Այս համատեքստում անդրադարձ է կատարվել նաև Ղրիմում զբոսաշրջության զարգացմանը: Այս տարի ևս, հակառակ կանխատեսումների, Ղրիմում զբոսաշրջիկների թիվը բավականին քիչ էր, փոխարենն՝ առաջարկվող ծառայությունների գները երկու անգամ թանկ էին: Ղրիմի ինքնավարության նախագահը ոլորտի խնդիրների լուծման համար Ռուսաստանի նախագահին առաջարկեց հեշտացնել վիզայի տրամադրումը Ուկրաինայի քաղաքացիներին, որոնք զբաղեցնում էին Ղրիմում տուրիստական ոլորտի 70 տոկոսը:

Ղրիմում Ռուսաստանի նախագահը հանդիպում է ունեցել նաև ազգային հասարակական կազմակերպությունների ներկայացուցիչների հետ, որոնց շարքում իհարկե առանցքայինը Ղրիմի թաթարներն էին: Վերջիններս հանդիպման ընթացքում հաստատեցին իրենց հավատարմությունը տեղական իշխանություններին:

Բազմաթիվ վերլուծաբանների կարծիքով՝ Պուտինի այս այցելությունը Ուկրաինայի արևելքում իրավիճակի նոր սրացման ֆոնին ցուցադրական քայլ էր, որով Մոսկվան Կիևին փորձում է հասկացնել, որ չի պատրաստվում քննարկել Ղրիմի հարցը և որ Ղրիմն այլևս Ռուսաստանի անբաժան մասն է:

Նշենք, որ Ռուսաստանի նախագահ Վլադիմիր Պուտինն արդեն պաշտոնապես երկու անգամ այցելել է Ղրիմ: 2014 թվականի մայիսի 9-ին Սևաստոպոլում նա ընդունել է Հաղթանակին նվիրված ռազմածովային շքերթը, իսկ օգոստոսին Սևաստոպոլում անց է կացրել խորհրդակցութուն Ավտանգության խորհրդի անդամների հետ, հանդիպել է Յալթայի քաղաքային խորհրդի պատգամավորների հետ:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան

Խոնավություն՝ %
Քամի՝ կմ/ժ
0 C°
 
16°  27° 
01.12.2021
17°  30° 
02.12.2021
Հարցում

Ի՞նչ եք կարծում, կխորանա՞ արդյոք Իրանի և Ադրբեջանի միջև լարվածությունը: