ԵՐԵՎԱՆ 9 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Իրանն ու Ռուսաստանը խորացնում են ռազմական համագործակցությունը

Ռուսաստանն ու Իրանը հուշագիր են ստորագրել Իրանին ռուսական S-300 հակահրթիռային պաշտպանության համակարգեր մատակարարելու շուրջ համաձայնագրի իրականացման մասին: Այս մասին РИА Новости գործակալությանը հայտնել է ռազմատեխնիկական համագործակցության Ռուսաստանի դաշնային ծառայության պաշտոնյաներից մեկը:

«Այս շաբաթ հուշագիր է ստորագրվել Իրանին ռուսական S-300 հակահրթիռային պաշտպանության համակարգեր մատակարարելու շուրջ ձեռքբերված պայմանավորվածության իրագործման մասին»̦ - ասել է գործակալության աղբյուրը: Միաժամանակ նա նշել է̦ որ հուշագրում մատակարարման ժամկետները̦ քանակը և գինը հստակ նշված չէ: Կողմերը դեռևս շարունակում են քննարկումներն այս հարցի շուրջ:

Նշենք̦ որ 2015 թվականի հունվարին Թեհրանն ու Մոսկվան համաձայնագիր ստորագրեցին իրենց պաշտպանական համագործակցությունը խորացնելու մասին̦ որը նաև պետք է լուծեր S-300 հակահրթիռային պաշտպանության համակարգերի մատակարարման խնդիրը: Ինչպես գրում է իրանական Fars գործակալությունը̦ համաձայնագիրը ստորագրվել է Իրանի և Ռուսաստանի պաշտպանության նախարարներ Հուսեյն Դեհքանի և Սերգեյ Շոյգուի միջև: Կողմերը պայմանավորեցին լուծել S-300-ի մատակարարման հետ կապված խնդիրները:

Նշենք̦ որ 2007 թվականին Իրանը 800 միլիոն ԱՄՆ դոլար արժողությամբ պայմանագիր ստորագրեց Ռուսաստանի հետ S-300-ի մատակարարման մասին: Սակայն 2010 թվականին իրանական միջուկային ծրագրի պատճառով Իրանի վրա գործադրվող պատժամիջոցները խնդիրներ առաջացրին մատակարարման հետ կապված̦ և Ռուսաստանը կասեցրեց դրանց մատակարարումը:

2015 թվականի ապրիլին ՌԴ նախագահ Վլադիմիր Պուտինը հայտարարեց̦ որ Ռուսաստանն̦ այնուամենայնիվ̦ կմատակարարի հակահրթիռային պաշտպանության համակարգերը: Իրանում հույս էին հայտնում̦ որ մինչև 2015 թվականի ավարտը մատակարարման շուրջ համաձայնագիրը կստորագրվի: Իսկ Իրանի հետ միջուկային համաձայնագրի կնքումից հետո Իրանը պահանջեց լուծում տալ այս խնդրին: S-300-ի մատակարարման հարցը օգոստոսին Իրանը արտգործնախարար Մուհամեդ Ջավադ Զարիֆի Մոսկվա կատարած այցի և ՌԴ արտգործնախարար Սերգեյ Լավրովի հետ բանակցությունների գլխավոր թեմաներից մեկն էր:

Վերոնշյալ հուշագրի ստորագրումը վկայում է̦ որ իրանական միջաջուկային համաձայնագրի ստորագրումից հետո ստեղծված աշխարհաքաղաքական այս նոր իրողությունների պայմաններում Ռուսաստանը մտադիր է ավելի խորացնել ռազմական համագործակցությունն Իրանի հետ:

այլ նյութեր այս թեմայով

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 37%
    Քամի՝ 0 կմ/ժ
    11 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: