Հնդկաստան՝ նախագծելով նոր բարեփոխումների ուղին
Մի միջավայրում, որտեղ տնտեսական աճը համեստ է, Հնդկաստանն այսօր պայծառ շողում է համաշխարհային տնտեսությունների կողքին: Արժույթի միջազգային հիմնադրամն (ԱՄՀ) իր զեկույցում 2015 թ.-ին Հնդկաստանի համար 7,3% աճ է կանխատեսում, որը 2016թ.-ին կբարձրանա 7,5% -ի: 2015 թ. նոյեմբերի 12-ի իր զեկույցում ԱՄՀ-ն հայտարարել է, որ չնայած զարգացող տնտեսության աճը մնում է փխրուն և կարող է խախտվել նվազող ապրանքային գների, իջեցված կապիտալի հոսքերի և ֆինանսական շուկայի բարձր փոփոխականության մթնոլորտում, Հնդկաստանի աճը կշահի վերջին բարեփոխումների քաղաքականության, հետևողական ներդրումային ավելացումների, և ցածր գների շնորհիվ: Moody's-ի վարկանիշները վերանայեցին Հնդկաստանի ինքնիշխան վարկանիշի հեռանկարը՝ «կայուն»-ից որակելով «դրական»:
Օտարերկրյա ուղղակի ներդրումների հոսքերը 2014-2015թթ. ընթացքում հասել են 44 մլրդ ԱՄՆ դոլարի: ՕՈՒՆ նաև առաջին անգամ յոթ տարվա ընթացքում գերազանցել է ընթացիկ հաշվի դեֆիցիտը: Կառավարության շարունակական ջանքերն ուղղված ՕՈՒՆ ազատականացմանը կշարունակեն օգնել ՕՈՒՆ հոսքերին: Նախկինում չարված ներդրումների համար լավագույն ուղղությունների վարկանիշային աղյուսակում (չափվում է ըստ գնահատված կապիտալի ծախսերի) Լոնդոնի Ֆայնենշըլ Թայմզը 2015 թ. առաջին կիսամյակում Հնդկաստանին թիվ մեկ տեղն է հատկացրել ներգրավված մոտավորապես 31 մլրդ ԱՄՆ դոլարով, ինչը 3 մլրդ ԱՄՆ դոլարով ավելի է քան Չինաստանը և 4 մլրդ ԱՄՆ դոլարով՝ քան ԱՄՆ:
Վարչական բարեփոխումները, հաստատման գործընթացների պարզեցումը, այդ թվում առցանց նախագծերի հաստատումը և բնապահպանական ծրագրերի թույլտվության ընթացակարգերի պարզեցումը կբարելավեն բիզնես տրամադրությունները և կհեշտացնեն գործարարությամբ զբաղվելը Հնդկաստանում: Կառավարությանն առընթեր Ծրագրի Մոնիտորինգի Խումբը (ԾՄԽ) վերանայում է 451 միլիարդ ԱՄՆ դոլար արժողությամբ 704 նախագծեր, որոնք թույլտվություն չեն ստացել այնպիսի դժվարությունների պատճառով, ինչպիսիք են վառելիքի պակասը, բնապահպանական թույլտվությունները և ներդրումների հետ մեկտեղ հողի ձեռքբերումը: Առ այսօր ԾՄԽ հաստատել է 411 նախագծեր 253 մլրդ ԱՄՆ դոլար ներդրումներով: Կառավարությունը սահմանել է 2016 թ. որպես հավակնոտ վերջնաժամկետ Ապրանքների և Ծառայությունների հարկը (ԱԾՀ) կիրառելու համար: Նախագծվել է հստակ ճանապարհային քարտեզ 4 տարիների ընթացքում իջեցնելու կորպորատիվ հարկը 30% -ից մինչեւ 25% -ի:
Կառավարության այլ առաջադեմ նախաձեռնություններից են բանկերի կողմից առաջնային հրապարակային տեղաբաշխումներ (IPO)/ հաջորդող հրապարակային տեղաբաշխումներ (FPO) իրականացնելը, որպեսզի ավելի շատ դրամական միջոցներ ներգրավեն, քանի դեռ պետական բաժնեմասը մնում է 52% կամ ավելի: Հավանություն է տրվում անշարժ գույքի և ենթակառուցվածքների ներդրումային տրեստին՝ հարկային արտոնություններով: Կառավարությունը հավանություն է տալիս 100 խելացի քաղաքների ծրագրին: Առաջարկվել է ծախսել 130 մլրդ. ԱՄՆ դոլար երկաթուղային համակարգում հինգ տարիների ընթացքում արագընթաց գնացքների և այլ սխեմաների ստեղծման համար: Ածխահանքերի աճուրդի երկու փուլ հաջողությամբ ավարտվել են, հաջորդներն սպասում են իրենց հերթին: Հանքարդյունաբերության ոլորտի փակուղին ավարտվեց կարգավորման և զարգացման նոր օրինագծի ընդունմամբ: Հեռահաղորդակցության սպեկտրի շարժական հեռախոսակապի և լայնաշերտ ինտերնետի աճուրդները ևս հաջողությամբ են պսակվել: Իրականացվում են մեկ-պատուհանի ձևակերպումներ պողպատի, ածուխի և էլեկտրաէներգիայի ծրագրերի համար:
Պարզեցվում է արտաքին ֆոնդի եկամուտների հարկային դաշտը, որոնց ֆոնդի կառավարիչների գտնվում են Հնդկաստանում, ինչպես նաև ռեզիդենտ և ոչ ռեզիդենտ հարկ վճարողների գնագոյացման փոխանցումը, և նվազագույն այլընտրանքային հարկի հետահայաց տուգանքը վերացնելը, ինչն ազդում է արտասահմանյան ֆոնդերի վրա:
2015թ. նոյեմբերին կառավարությունը հաստատել է երաշխավորման ծրագիր պետական սեփականություն հանդիսացող էներգիայի Բաշխիչ Ընկերությունների համար (ԲԸ): Սա կարող է արմատապես փոխել Հնդկաստանի էներգետիկայի ոլորտը, ինչպես նաև նվազեցնել անձնական հաշիվների բեռը, որոնցով վարկեր են վերցրվել ֆինանսապես անապահով ծառայության համար:
Փրկարար ծրագիրը, որը կոչվում է Ujwal Discom Assurance Yojna (uday), պարտադրված չէ, պետք է իրականանա եռակողմ հուշագրի ստորագրման միջոցով (Էներգետիկայի նախարարության, շահագրգիռ նահանգի կառավարության և ԲԸ-ի միջև): Այն ձգտում է հարցերի լուծում գտնել պետական ԲԸ-ների համար և հավասարապես հզորացնել նրանց առաջիկա 2-3 տարիների ընթացքում:
2015թ. նոյեմբերին կառավարության կողմից պայմանագրեր կնքվեցին երկու լոկոմոտիվ գործարաններ հիմնելու համար: Այդ պայմանագրերը առաջիններն էին և ամենամեծերը, որոնք հանձնվեցին օտարերկրյա ընկերությունների, քանի որ Հնդկաստանն անցյալ տարի թույլատրեց 100% ՕՈՒՆ երկաթուղային ոլորտում: General Electric Co. (GE) կկառուցի դիզելային լոկոմոտիվի գործարան և Alstom SA կստեղծի էլեկտրական լոկոմոտիվը Բիհար նահանգում: Գործարանների նախնական արժեքը համապատասխանաբար կկազմի շուրջ 2.052 կրոր ռուպի և 1.294 կրոր ռուպի: Երկու ծրագրերի արդյունքում առաջիկա տաս տարում կարտադրվեն 1000 դիզելային լոկոմոտիվներ և 800 էլեկտրական լոկոմոտիվներ, որոնց միասնական արժեքը կկազմի 40,000 կրոր ռուպի: Երկաթուղին կունենա 26% բաժնեմաս և կտրամադրի տարածքը, իսկ արտասահմանյան ընկերությունները կունենան 74% մասնաբաժին յուրաքանչյուր գործարանում: Գործարանները պատրաստ կլինեն 3 տարվա ընթացքում, իսկ լոկոմոտիվների արտադրության համար օգտագործվող մասերի 80% -ը ձեռք կբերվի տեղում:
Միջնաժամկետ աճի հեռանկարները նույնպես բարելավվել են ածուխի և հանքարդյունաբերական գործունեության թույլտվությանն ուղղված վերջին նախաձեռնությունների քաղաքականության, ՕՈՒՆ սահմանների ազատականացման (100% երկաթուղիների, 49% ապահովագրություն, և 49% - պաշտպանություն ոլորտում, մի նախազգուշացումով, որ պաշտպանության ոլորտի ՕՈՒՆ-ի կարող է հասնել մինչև 100%, ինչպես նաև վերահսկողությունը վերապահված կլինի Հնդկաստանի ՀՁ գործընկերոջը, ինչը կհաստատվի կառավարության կողմից) և ենթակառուցվածքների ոլորտում հանրային ներդրումների նորացված հոսքի արդյունքում, ինչը կօգնի բարելավել ներդրումային միջավայրը: Երկրում ներդրումային միջավայրը խթանելու համար կառավարությանը 2015թ. նոյեմբերի 10-ին ավելի պարզեցրեց ՕՈՒՆ նորմերը 15 ոլորտներում: Որոշ նոր ՕՈՒՆ նորմերից են՝ բանկային ոլորտի կոմպոզիտային ՕՈՒՆ բարձրացրել է 74%, վերացվել է նվազագույն ներդրումային պարտավորությունը և շինարարության ոլորտում ՕՈՒՆ-ի համար տարածքի ամրագրումը, ՕՈՒՆ-ի սահմանաչափերը նորությունների և ընթացիկ հեռուստաալիքների և FM ռադիոների համար արդեն բարձրացրել է՝ հասնելով 26%-ից 49% -ի, ՕՈՒՆ-ի սահմանաչափերը տելեպորտների, DTH-ի, թվային մալուխային ցանցերի, բջջային հեռուստատեսություն համար բարձրացվել է 74% -ից մինչեւ 100%: Տարածաշրջանային օդային փոխադրումների ծառայություններում արդեն թույլատրվում է մինչեւ 49% ՕՈՒՆ ավտոմատ երթուղու համար: Պաշտպանության ոլորտում թույլատրվում է մինչեւ 49% ՕՈՒՆ ավտոմատ երթուղու համար, իսկ 49%-ը գերազանցելու դեպքում հարցը կքննարկվի Օտարերկրյա ներդրումների խթանման խորհրդի կողմից: Օտարերկրյա ներդրումների խթանման խորհրդի հաստատման հնարավորություններն 3000 կրոր ռուպիից արդեն հասել են 5000 կրոր ռուպիի: Տնտեսական հարցերով կառավարական հանձնաժողովը ՕՈՒՆ-ի վերաբերյալ որոծում կկայացնի միայն այն դեպքում, եթե այն ավտոմատ երթուղով չէ և անցնում է 5000 կրոր ռուպիի սահմանը:
Վերը նշված միջոցառումների արդյունքում, Հնդկաստանը 16 նիշով բարձրացել է և գրավում է համաշխարհային ցուցանիշի 55-րդ տեղը Համաշխարհային տնտեսական ֆորումի կազմած աշխարհի առավել մրցակցային տնտեսությունների ցանկում: Հնդկաստանի դիրքի բարձրացումն ընդգծում է երկրի տնտեսության վերականգնումը, երկրի ինստիտուտների մրցունակության և նրա մակրոտնտեսական միջավայրի բարելավումը: Ըստ Արտաքին քաղաքականություն տեղեկագրի ելակետային շահութաբերության ցուցանիշի, Հնդկաստանը վերջերս զբաղեցնում է թիվ 1 դիրքը 110 երկրների ցանկում՝ դարձնելով այն աշխարհի ամենացանկալի ներդրումային վայր: ԱՄՆ-ի Միջազգային Առևտրի Հանձնաժողովը իր «Հնդկաստանի առևտրի և ներդրումային քաղաքականության» 2014-15թ. զեկույցում նշել է, որ Հնդկաստանի կառավարությունը նշանակալի փոփոխություններ է կատարել՝ վերացնելու առևտրի և ներդրումների խոչընդոտները: Ցեկույցում ընդգրկված ոլորտները, որտեղ զգալի փոփոխությունների քաղաքականություն է տարվել, ներառում են ՕՈՒՆ, սակագները և մաքսային ընթացակարգերը, ներքին սպառման և տեղայնացման պահանջները (մասնավորապես ՏՀՏ ապրանքների), ստանդարտները և տեխնիկական կանոնակարգերը:
Ըստ Համաշխարհային բանկի, Հնդկաստանն այժմ 189 երկրներից 130-րդն է՝ ըստ Բիզնեսով Զբաղվելու Դյուրինության: Այսպիսով Հնդկաստանը 12 նիշով ավելի է բարձրացել անցած տարվա իր բուն վարկանիշից և 4 նիշով՝ ըստ նոր մեթոդաբանության հիման վրա վերանայված ցուցակի վարկանիշի: Ըստ Համաշխարհային բանկի զեկույցի, Հնդկաստանում այսօր բիզնես բացելը տևում է 29 օր, ի տարբերություն 127 օրվա 2004թ.-ին: Ամենամեծ բարելավումը կատարվել է բիզնեսի համար էլեկտրաէներգիա մատակարարելու ոլորտում, որտեղ Հնդկաստանի վարկանիշը 2015 թ.-ի 99-րդ տեղից 2016 թ.-ին փոխվել է 70-ի: Հնդկաստանը փոքրամասնությունների ներդրողների պաշտպանության առումով 8-րդ տեղում է, 42-րդ տեղում՝ վարկ ստանալու առումով, սակայն շինարարության թույլտվության առումով շատ ցածր միավորներ ունի՝ 183-րդ տեղը 189 երկրներում: Հնդկաստանը քիչ միավորներ ունի նաև պայմանագրերի պարտադրման (178-րդ տեղ), հարկերի վճարման (157-րդ տեղ) և անվճարունակության լուծման (136-րդ տեղ) բնագավառներում:
Ապրանքների և ծառայությունների հարկի, առևտրային դատարանների ստեղծման, սնանկության օրենքը կիրառման, հարկման և կորպորատիվ օրենքի պարզեցման և մուտքի ելքի նորմերի դյուրացմանն ուղղված առաջընթաց քայլերը խթան կհանդիսանան Հնդկաստանի վարկանիշի բարձրացմանը 2016-17թթ.:
Հնդկաստանի Արտաքին Գործերի նախարարության
Տեղեկատվության և հրապարակայնություն վարչություն
այլ նյութեր այս թեմայով
- BRICS-ը մեծացնում է Արևմուտքին հակազդման պոտենցիալը նայած արևմտյան լրահոսում ու փորձագիտական շրջանակներում նկատվում է թերահավատություն կառույցի և դրա ընդլայնման...
- TikTok-ը զբաղվելու է չինական շուկայում իրանական արտադրանքը ներկայացնելով Բիզնեսմենը նշել է, որ Douyin-ի և MIMT-ի միջև գործընկերային նախագծի հիմնական նպատակը չինական շուկայում իրանական արտահանողների...
- Դեֆոլտից հետո՝ ռեցեսիա. բացասական սպասումներ ԱՄՆ տնտեսությունում Արդյո՞ք աշխարհի առաջատարը կբախվի նման խնդրի...
- Նավթի առաջարկը կնվազի. սպասումներ համաշխարհային տնտեսությունում Ի՞նչ առանձնահատկություններ ունի այս գործընթացն ու ինչպիսի՞ սպասումներ է ձևավորում համաշխարհային տնտեսությունում:
- ՕՊԵԿ+-ը համաձայնել է կրճատել նավթի արդյունահանումը 2024 թվականին Դաշինքի երկրներն այս որոշումը համարել են կանխարգելիչ միջոց՝ շուկայի կայունությունը պահպանելու համար։
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 28%
Քամի՝ 1,54 կմ/ժ