Ադրբեջանական շանտաժն ու Ռուսաստանի զիջումները
Նախօրեին ՌԴ փոխվարչապետ Դմիտրի Ռոգոզինը չպլանավորված այցով մեկնեց Ադրբեջան՝ քննարկելու ռազմական տեխնիկայի վաճառքի շուրջ ծագած խնդիրները։ Ըստ արված հայտարարության, կողմերը կարողացան համաձայնության գալ: Ի՞նչ գնով:
Ըստ մամուլում հրապարակված սակավ տեղեկատվության՝ կողմերը քննարկել են երկու երկրների միջև տնտեսական և ռազմատեխնիկական համագործակցության հարցերը: Այցի վերջում ՌԴ փոխվարչապետը հայտարարել է, որ Ռուսաստանն ու Ադրբեջանը «պատասխանատու և վստահելի գործընկերներ են»: Իսկ այցի նախօրեին «Կոմերսանտ»-ում տպագրված հոդվածում ասվում էր, որ այցը պայմանավորված է նրանով, որ Ադրբեջանը տնտեսական ծանր վիճակի պատճառով չի կարողանում վճարել Ռուսաստանին նախապես պատվիրած ռազմական տեխնիկայի համար:
Իսկ ի՞նչ են պայմանավորվել կողմերը: Ամենայն հավանականությամբ կա՛մ Ադրբեջանը համաձայնել է վճարել սահմանված գումարը որոշակի հետաձգումներով, կա՛մ Ռուսաստանը համաձայնել է զիջումների գնալ և զեղչեր ապահովել Ադրբեջանին: Երկրորդ տարբերակի դեպքում առավել հավանական է, որ ադրբեջանական պրոպագանդիստական ԶԼՄ-ներն արդեն իսկ հայտարարած լինեին իրենց «դիվանագիտական հաղթանակի» մասին:
Փորձենք հասկանալ կողմերի դրդապատճառները։
Ռուսաստանն այսօր զենքի կարևոր մատակարար է իր ռազմական բյուջեն անվերջ մեծացնող Ադրբեջանի համար: Բացի այդ` ռուս-թուրքական լարված հարաբերությունների պարագայում, երբ շատ զսպիչ մեխանիզմներ դադարել են գործել, Ադրբեջանի համար բավական վտանգավոր է ուղիղ հակազդեցության գնալ Ռուսաստանի հետ՝ հաշվի առնելով տարածաշրջանում վերջինիս կշիռն ու Ղարաբաղյան հակամարտության համատեքստում մեծ ազդեցությունը: Լրացուցիչ ճնշումը բանակցային գործընթացում կամ Ադրբեջանի սադրած հրադադարի խախտումների նկատմամբ առավել ուղղորդված ու կոշտ արձագանքները բոլորովին ցանկալի չեն Բաքվի համար:
Զուգահեռաբար Ադրբեջանը ևս փոքր նշանակություն չունի Ռուսաստանի համար: Սիրիական ճգնաժամի համատեքստում Ռուսաստանը գնաց բազմաթիվ քայլերի՝ կանխելու Ադրբեջանի միացումը թուրք-սաուդական կոալիցիային: Բացի այդ, Ադրբեջանը զենքի խոշոր գնորդ է, և ռազմատեխնիկական այդ համագործակցությունը մեծ եկամուտներ է ապահովում առանց այդ էլ տնտեսական բարդություններ ունեցող Ռուսաստանին:
Հաշվի առնելով այս ամենը՝ Ադրբեջանը փորձեց օգտվել իրավիճակից և զիջումներ ստանալ Ռուսաստանից: Այստեղ որպես խաղաքարտ շահարկվեց նաև Հայաստանին բավական էժան գնով զենքի մատակարարման և վերջերս հրապարակված զինատեսակների ցանկի հանգամանքը: Հիշեցնենք, որ Ադրբեջանը նույնիսկ բողոքի նոտա հղեց Ռուսաստանին, ինչին ի պատասխան՝ Ալիևը զանգ ստացավ Պուտինից, իսկ ՌԴ ԱԳՆ ներկայացուցիչ Մարիա Զախարովան շտապեց հայտարարել, որ Ռուսաստանը չի գնա քայլերի, որոնք հակասում են Ադրբեջանի շահերին:
Ուստի տրամաբանական է, որ չնայած Ադրբեջանի բոլոր հոխորտանքներին ու դժգոհություններին՝ կողմերը հակված էին համաձայնության գալու: Առավել ևս, որ Ադրբեջանի հայտարարությունների զգալի մասը ռևերանս են Թուրքիայի ուղղությամբ՝ որպես փոխհատուցում, որ Բաքուն լիովին չի աջակցում վերջինիս հակառուսական քաղաքականությանը:
Սակայն մետաղադրամն ունի նաև հակառակ կողմ: Ադրբեջանն արդեն իսկ հարուցել է Թուրքիայի դժգոհությունը և առավել խոցելի է: Տրամաբանական կլիներ, որ այս իրավիճակում Ռուսաստանը տուրք տար ոչ միայն իր տնտեսական շահերին, այլև հիշեր Հայաստանի հետ ռազմավարական դաշնակցությունը և որպես ԵԱՀԿ ՄԽ համանախագահող երկիր՝ ստանձնած պարտավորությունները: Խոսքը, անշուշտ, այն մասին չէ, որ պետք է պահանջել Մոսկվայից զենք չվաճառել Ադրբեջանին, որն այդ զենքը կիրառում է Հայաստանի՝ իր ռազմավարական դաշնակցի դեմ: Դա որքան էլ բարոյական և ճիշտ կլիներ, այս իրավիճակում անիրատեսական է: Սակայն կարելի է ակնկալել, որ Ռուսաստանն այժմ փորձի քայլեր ձեռնարկել Հայաստանի և Ադրբեջանի միջև կայունությունը պահպանելու և սահմանային միջադեպերը նվազեցնելու ուղղությամբ: Անկայունությունը Հարավային Կովկասում այսօր առավել քան անցանկալի է Մոսկվայի համար: Շատ տեղին կլիներ, որ Ռուսաստանն Ադրբեջանին զիջումների նախապայմանների թվում պահանջեր դադարեցնել արկածախնդրությունը, հրադադարի ռեժիմի խախտումներն ու դիվերսիաները հայկական երկու կողմերի նկատմամբ Ղարաբաղյան հակամարտության գոտում:
Այսօր ԵԱՀԿ ՄԽ համանախագահության ամերիկյան և եվրոպական կողմերը բավական մեծ ճնշում են գործադրում Ադրբեջանի վրա՝ դրդելով նրան համաձայնություն տալ սահմանային միջադեպերի հետաքննության միջազգային մեխանիզմների ներդրմանը: Եվ լավ կլիներ, որ Ռուսաստանն էլ միանար այդ ճնշումներին: Դա կարող էր թե՛ զգալի առաջընթաց ապահովել բանակցային գործընթացներում, թե՛ քայլ առաջ կլիներ Արևմուտք-ՌԴ հարաբերությունների կարգավորման համատեքստում, թե՛ կկանխեր Ադրբեջանի հետագա շանտաժային քաղաքականությունը:
այլ նյութեր այս թեմայով
- Ադրբեջանական զինուժը Մարտակերտի շրջանում խախտել է հրադադարը. Արցախի ՊՆ Հայկական կողմում կորուստներ չկան։
- Ի՞նչ արձանագրվեց երեկ Բրյուսելում Փորձ է արվել ցույց տալ, որ կա իրական առաջընթաց, հստակ պայմանավորվածություններ ու պլանավորված քայլեր մոտ ապագայի...
- Ադրբեջանի սադրանքն Արցախի նկատմամբ. քաղաքական ու հոգեբանական ճնշում Ի՞նչ խնդիրներ է փորձում լուծել Ադրբեջանը: Եվ ինչի՞ կարող է հանգեցնել միջազգային հանրության լռությունը:
- Նիկոլ Փաշինյանը հեռախոսազրույց է ունեցել Շառլ Միշելի հետ Վարչապետը մտահոգություն է հայտնել վերջին շրջանում Ադրբեջանի աճող ագրեսիվ հռետորաբանության և սադրիչ գործելակերպի...
- ԱՄՆ-ն լավատեսություն է արտահայտում Հայաստան-Ադրբեջան երկխոսության հետ կապված Վերջին շաբաթվա զարգացումները ցույց են տալիս, որ ՌԴ-ի և Արևմուտքի մրցակցությունը տարածաշրջանում սեփական դերի մեծացման...
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 52%
Քամի՝ 3,6 կմ/ժ