ԵՐԵՎԱՆ 4 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Բաց նամակ Քլինթոնին Ղարաբաղից

Կարեն Օհանջանյան/ Հիլարի Քլինթոն

«Ժողովուրդը, ճիշտ է, տխուր է, բայց շատ հանգիստ», - վստահեցնում է Ստեփանակերտում ապրող «Հելսինկյան նախաձեռնություն - 92» ոչ կառավարական կազմակերպության ղեկավար, ակտիվ հասարակական գործիչ Կարեն Օհանջանյանը, ում կարծիքով իրավիճակը նորմալ ու բնականոն է Ստեփանակերտում և շատ կազմակերպված սահմանին:

Կարեն Օհանջանյանը, ով ակնկալում է միջազգային հանրության կողմից լուրջ արձագանք ստեղծված իրավիճակին, անձամբ նամակ է գրել ԱՄՆ նախկին պետքարտուղար, ներկայիս նախագահի թեկնածու, դեմոկրատ Հիլարի Քլինթոնին, հորդորելով բարձրաձայնել այն բռնությունների մասին, որոնք այժմ տեղի են ունենում Լեռնային Ղարաբաղի Հանրապետությունում:

«Հարգելի՛ տիկին Քլինթոն, նախևառաջ ուզում եմ արտահայտել իմ մեծագույն համակրանքը Ձեր նախընտրական քարոզարշավի հանդեպ, և մաղթում եմ Ձեզ դառնալ ԱՄՆ առաջին կին նախագահը», - մասնավորապես գրել է Օհանջանյանն իր բաց նամակում, - «Այս օրերին Ադրբեջանի զինված ուժերը լայնամասշտաբ ռազմական օպերացիա են սկսել ԼՂՀ դեմ, և մենք մեծ թվով զոհեր ունենք երկու կողմերից էլ: Հիշում եմ, որ դուք դեռևս պետքարտուղարի Ձեր պաշտոնում Աստանայում նախարարական գագաթաժողովի ժամանակ Ղարաբաղյան հակամարտության կարգավորման հարցով ծանրակշիռ ելույթ ունեցաք: Ես գիտեմ, որ դուք խաղաղության և արդարության կրքոտ ջատագով եք, և այս առումով մեծ աջակցություն կլինեք Լեռնային Ղարաբաղի խաղաղ ժողովրդի համար», - եզրափակել է իր խոսքը Կարեն Օհանջանյանը:

Հասարակական գործչի խոսքերով՝ ինքն ու գործընկերները հնարավորինս տարածել են այս նամակը թե՛ բոլոր սոցցանցերով, թե՛ տարբեր ԶԼՄ-ներով: Օգնության կոչն ու հորդորը հասցրել են նաև Եվրոպական միության ղեկավարության մի շարք ներկայացուցիչների: Չնայած ղարաբաղցի ակտիվիստները հույսով սպասում են միջազգային հանրության սատարմանն ու Քլինթոնի նման նշանավոր գործիչների օժանդակությանը, միևնույն է առաջնահերթ հույսն իրենք իրենց և սեփական զինվորների ուժի ու քաջության վրա են դնում...

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 52%
    Քամի՝ 3,6 կմ/ժ
    5 C°
     
    20°   
    30.03.2024
    19°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: