ԵՐԵՎԱՆ 1 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 22 455,97 դրամ ԱՐԾԱԹ - 259,35 դրամ ՊԼԱՏԻՆ - 13 785,72 դրամ

Հայաստանում 96,400 մարդ աշխատանք է փնտրում

lratvakan.am

Զբաղվածության պետական գործակալության տվյալներով 2016 թվականի հուլիսի 1- ի դրությամբ աշխատանք փնտրողների թիվը կազմում է 96.4 հազար մարդ: Նրանցից 63.1 հազարը կանայք են, 22.6 հազարը` երիտասարդներ: Այս մասին լրագրողներին հայտնել է ՀՀ աշխատանքի և սոցիալական հարցերի նախարարության Զբաղվածության պետական գործակալության պետ Արտակ Մանգասարյանը, փոխանցում է «Արմենպրես»-ը:

«Գործազուրկների թվաքանակը կազմում է աշխատանք փնտրողների 81.2 տոկոսը կամ 78.2 հազար մարդ: Շարունակվում է բարձր մնալ գործազուրկ կանանց թիվը, որը կազմում է գործազուրկների թվի 68.6 տոկոսը կամ 53.7 հազար մարդ: Երիտասարդների թվաքանակը գործազուրկների 24.5 տոկոսն է (19.2 հազար մարդ), հաշմանդամություն ունեցող անձինք գործազուրկների 3.5 տոկոսն են կամ 2.8 հազարը»,- տեղեկացրել է Արտակ Մանգասարյանը:

Նրա խոսքով` գործազուրկների թվաքանակում առաջին անգամ աշխատանք փնտրողների թիվը 50.5 տոկոս է, որից երիտասարդները 39.8 տոկոս են կազմում:

Գործազուրկների թվաքանակում աշխատաշուկայում անմրցունակ անձանց թվաքանակը 1 միլիոն 71.5 հազար է կամ 91.4 տոկոս: «Գործազուրկների շրջանում բարձրագույն և հետբուհական կրթություն ունեցողների թիվը 12.4 տոկոս է, միջին մասնագիտական կրթություն ունեցողները 18.5 տոկոս են կազմում, նախնական մասնագիտական կրթություն ունեցողները 5.6 տոկոսն են, ընդհանուր միջնակարգ կրթությունները ունեցողները` 54.7 տոկոս, հատուկ ընդհանուր, հիմնական ընդհանուր և տարրական կրթություն ունեցողները` 8.8 տոկոս»,-նշել է պաշտոնյան:

Նա հայտնել է, որ Զբաղվածության պետական գործակալությունում այս տարվա առաջին կիսամյակի դրությամբ` ի համեմատ նախորդ տարվա նույն ժամանակաշրջանի, 5.6 տոկոսով ավելացել է հաշվառվածների թիվը: «Մեզ մոտ հաշվառվում են նաև ծրագրերում ընդգրկվելու համար»,-հավելել է Արտակ Մանգասարյանը:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 85%
Քամի՝ 4 կմ/ժ
1 C°
 
   
09.12.2019
-1°   
10.12.2019
Հարցում

Արդյոք Հայաստանի իշխանությունները բավարար չափո՞վ են տեղեկացնում մեր հասարակությանը Ղարաբաղյան հակամարտության կարգավորման գործընթացի մասին: