ԵՐԵՎԱՆ 16 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Անդրանիկ զորավարի Բուլղարիայի տունը կվերածվի տուն-թանգարանի

 2-3 շաբաթ է ինչ Բուլղարիայի հայերի միության նախագահ Հարություն Հովսեփյանի հովանավորությամբ և նրա անմիջական հսկողության ներքո Վառնայի Գալաթա թաղամասում գտնվող Զորավար Անդրանիկ Օզանյանի տանը, որը աշխարհում միակ կանգուն մնացած նրա տունն է, մեկնարկել են վերականգնողական աշխատանքները:

Տունը վերականգնողական և շինարարական աշխատանքների ավարտից հետո վերածվելու է տուն-թանգարանի և գրանցվելու է Բուլղարիայի մշակութային կոթողների պահպանության կոմիտեում:

ԲՀՄ նախագահը տեղեկացրել է, որ առաջին հերթին աշխատանքներ են սկսվել տան ամբողջ բակի պարսպապատման համար: «Բակը ամբողջությամբ պարսպապատված էր մետաղյա ցանցով: Հիմա մենք այն փոխարինում ենք քարե պարսպով, որն ինքնին հնաոճ տեսք է ունենալու», նշել է ովսեփյանը, մեջբերում է «Կանթեղ Արարատյան» բուլղարահայ էլէկտրոնային կայքը:

Միաժամանակ աշխատանք է տարվում տան տանիքի վրա: Հովսեփյանը նշել է, որ տանիքը ևս ամբողջությամբ փոխարինվելու է, քանի որ այն գտնվում է անմխիթար վիճակում:

Տան սեփականատերերը, որոնք ազգությամբ հայեր էին և կալվածքը ժառանգություն էին ստացել Զոր. Անդրանիկի կնոջ՝ Նվարդ Օզանյանի կողմից, որոշել էին այն քանդել և տեղում բազմաբնակարան շենք կառուցել: Սակայն Հարություն Հովսեփյանին ի վերջո հաջողվեց իր անձնական միջոցներով այն գնել:

 


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 27%
    Քամի՝ 0 կմ/ժ
    16 C°
     
    20°  10° 
    30.03.2024
    20°  10° 
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: