ԵՐԵՎԱՆ -2 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 24 062,45 դրամ ԱՐԾԱԹ - 270,97 դրամ ՊԼԱՏԻՆ - 15 411,42 դրամ

Որո՞նք կլինեն աշխարհի խոշորագույն տնտեսությունները 2050թ.-ին

http://www.independent.co.uk

PricewaterhouseCoopers-ը (PwC) հանդես է եկել «Աշխարհը 2050-ին. կշարունակվի՞ արդյոք ուժերի վերադասավորումը համաշխարհային տնտեսության մեջ» թեմայով զեկույցով, համաձայն որի, առաջիկա 35 տարիների ընթացքում համաշխարհային տնտեսությունը կենթարկվի փոփոխությունների: Մասնավորապես, իրենց առաջատար դիրքերը կզիջեն այնպիսի զարգացած երկրներ, ինչպիսիք են Հյուսիսային Ամերիկան, Ճապոնիան և Արևմտյան Եվրոպայի երկրները: Այս մասին փոխանցում է «The independent»-ը:

Զեկույցում դիտարկվել են 32 երկրների տնտեսական աճի տեմպերն առաջիկա տասնամյակների համար, որոնց ՀՆԱ միասին կազմում են աշխարհի ՀՆԱ-ի 84%-ը:

Համաձայն փաստաթղթի, 2050թ-ին Չինաստանը գնողունակության ցուցանիշով կլինի առաջատար տնտեսությունը, որին բաժին կհասնի համաշխարհային ՀՆԱ-ի 20%-ը: Չինաստանին կհաջորդեն Հնդկաստանը, ԱՄՆ, Ինդոնեզիան և Բրազիլիան:

Վիետնամը, Հնդկաստանն ու Բանգլադեշը կլինեն նշված ժամանակահատվածի ամենաարագ զարգացող տնտեսությունները: Իսկ ահա Եվրամիության տնտեսությունների շարքում ամենաարագ զարգացող կլինի Լեհաստանը:

Զեկույցում նշվում է, որ 2014-2050թթ. համաշխարհային տնտեսության աճի միջին տեմպերը կանխատեսվում են տարեկան մոտ 3 տոկոսի մակարդակով: Արդյունքում 2037-ին համաշխարհային ՀՆԱ-ն կկրկնապատկվի, իսկ 2050 գրեթե կեռապատկվի: Սակայն 2020-ից հետո համաշխարհային տնտեսության աճի տեմպերը հավանաբար կսկսեն դանդաղել 2 գործոնի ազդեցությամբ` Չինաստանի տնտեսական աճի տեմպերի նվազման և աշխատունակ տարիքի բնակչության թվաքանակի աճի տեմպերի դանդաղեցման:

այլ նյութեր այս թեմայով


Եղանակ
Երևան
Մասամբ ամպամած
Խոնավություն՝ 55%
Քամի՝ 4 կմ/ժ
-2 C°
 
-2°   
29.01.2020
-1°   
30.01.2020
Հարցում

Իրան-ԱՄՆ դիմակայության ուժեղացումը կանդրադառնա՞ Հայաստանի վրա: