ԵՐԵՎԱՆ 21 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 18 588,75 դրամ ԱՐԾԱԹ - 233,49 դրամ ՊԼԱՏԻՆ - 12 516,74 դրամ

Նախագահների՝ Սոչիում ծնված հայտնի լուսանկարների պատմություն (ԼՈՒՍԱՆԿԱՐՆԵՐ)

ՀՀ նախագահի անձնական լուսանկարիչ Դավիթ Հակոբյանը չէր սպասում, որ Սոչիում իր կողմից արված լուսանկարները նման տարածում ու մեծ արձագանք կունենան:

Սոցցանցերի  հայ օգտատերերի շրջանում առավել շատ տարածվեց ՀՀ նախագահի ու Ադրբեջանի նախագահի լուսանկարը: 



«Տարբեր միջոցառումների ժամանակ, երբ երկու երկրների նախագահներն իրար կողք են լինում, ես ամեն պահը որսում եմ՝ նրանց հայացքները, ժեստերը, ամեն ինչ: Ինչպես ասում են, պուլսի վրա եմ  լինում: Այդ հանդիպմանն էլ մի քանի դիրքով, կողքից էլ երկար մնացի-մնացի ոչինչ էլ չեղավ: Հետո գնացի դիմացից իմ սովորական կադրը անելու: Նկատեցի, որ Ալիևը այսպես ասած, «գյոզ ա դրել» ու նկարեցի», - Panorama.am-ին ասաց լուսանկարների հեղինակը:

Նշենք, որ լուսանկարն արվել է ԱՊՀ մասնակից պետությունների ղեկավարների խորհրդի նեղ կազմով նիստի ժամանակ: Հաջորդ լուսանկարը նախորդել է ընդլայնված կազմով նիստին: 



«Մի քանի տասնյակ լուսանկարներ, օպերատորներ վաղուց սպասում էինք, որ նախագահները գային: Ընթացքում նայում էի, լուսավորությունը դուրս եկավ: Ֆիքսեցի իմ մեջ, դիրքավորվեցի: Մտածում էի՝ մեր նախագահին այդպես նկարեմ: Ստացվեց այնպես, որ Նազարբաևն առաջինը մտավ սրահ: Նկարին իրականում ուժեղություն տվել է իր հայացքը, ինքնավստահությունը, քայլը»,-ասաց ՀՀ նախագահի անձնական լուսանկարիչը:

Այս պահին նա չի հիշում, թե ղազախական քանի լրատվամիջոցի է հարցազրույց տվել՝ զանգում են, սոցցանցերում գտնում, գրում:

«Ընդհանրապես նման արձագանքի չէի սպասում»,-ասաց Դ. Հակոբյանը:


Ամենաընթերցվածը

օրվա

շաբաթվա

ամսվա

Եղանակ
Երևան
Մասամբ ամպամած
Խոնավություն՝ 63%
Քամի՝ 22.53 կմ/ժ
21 C°
 
17°  27° 
20.08.2018
17°  30° 
21.08.2018
Հարցում

Կազդե՞ն Խաչատուրովի շուրջ վերջին զարգացումները ՀԱՊԿ անդամ երկրների հետ Հայաստանի հարաբերությունների վրա: