ԵՐԵՎԱՆ 16 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Թերեզա Մեյն ու Դոնալդ Տուսկն ԱլԳ գագաթաժողովի շրջանակներում քննարկել են Brexit-ը

twitter.com/PierrePayan_

Բրյուսելում՝ Արևելյան գործընկերության գագաթաժողովի շրջանակներում, տեղի է ունեցել Մեծ Բրիտանիայի վարչապետ Թերեզա Մեյի և ԵՄ խորհրդի նախագահ Դոնալդ Տուսկի հանդիպումը։ Նրանք փորձել են ելք գտնել Brexit-ի բանակցություններում առաջացած փակուղուց։

Այս պահի դրությամբ երկու ամենաբարդ խնդիրները Մեծ Բրիտանիայի ֆինանսական պարտավորություններն են ու Իռլանդիայի հետ սահմանի հարցը։

Բանակցություններից հետո Թերեզա Մեյը հայտարարել է, որ բանակցությունների ընթացքում դրական մթնոլորտ է տիրել, եղել է զգացում, որ կողմերը ցանկանում են առաջ շարժվել։ «Ես ասացի, որ մենք կկատարենք մեր պարտավորությունները։ ԵՄ անդամ երկրներից ոչ մեկը չպետք է անհանգստանա, որ ավելի քիչ կստանա, կամ ստիպված կլինի ավելի շատ վճարել ընթացիկ բյուջետային պլանով։ Մենք կկատարենք մեր պարտավորությունները»,- ինչպես հայտնում է Euronews-ը, ասել է Մեյը։

Նա նաև ընդգծել է, որ չի ցանկանում խոչընդոտներ տեսնել Իռլանդիայի հետ սահմանին, բայց Իռլանդիայում արտահերթ ընտրությունները կարող են երկարաձգել գործընթացը։

Դոնալդ Տուսկն, իր հերթին, բանակցություններից հետո գրառում է կատարել Twitter-ում՝ նշելով՝ «Դեկտեմբերին կայանալիք գագաթաժողովի ժամանակ բանակցություններում բավական առաջընթաց հնարավոր է, բայց դեռ հսկայական խնդիրներ կան։ Մենք պետք է քայլեր տեսնենք բրիտանական կողմից տաս օրվա ընթացքում և բոլոր հարցերով, այդ թվում՝ Իռլանդիայի»,- նշել է նա։

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 27%
    Քամի՝ 0,51 կմ/ժ
    16 C°
     
    20°  10° 
    30.03.2024
    20°  10° 
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: