ԵՐԵՎԱՆ 12 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Եթե Վրաստանը չի կարող ճանաչել Հայոց ցեղասպանությունը, ապա ոչինչ չի խանգարում Ջավախքին ճանաչել այն

Վրաստանը դեռ պատրաստ չէ ճանաչել Հայոց ցեղասպանությունը` քաղաքական նկատառումներից ելնելով։ Այս մասին հայտնել է «Վրաստանի հայրենասերների դաշինք» կուսակցությունից Ախալքալաքի Շրջանային ժողովի պատգամավոր Սամվել Պետրոսյանը, հաղորդում է Սպուտնիկ Արմենիան: 

«Վրաստանի հայրենասերների դաշինք» կուսակցության պատգամավորները հայտարարություն են ներկայացրել շրջանային ժողովին, որում նրանք կոչ են անում ճանաչել և դատապարտել, ինչպես նաև նպաստել Վրաստանի կողմից Ցեղասպանության պաշտոնական ճանաչմանը:

«Վրաստանը դեռ պատրաստ չէ ճանաչել Հայոց ցեղասպանությունը` քաղաքական նկատառումներից ելնելով։ Գաղտնիք չէ, որ Անկարան նրա ռազմավարական գործընկերն ու դաշնակիցն է։ Եթե այսօր Վրաստանը չի կարող դա անել պետական մակարդակով, ոչինչ չի խանգարում հայերով բնակեցված Սամցխե–Ջավախքին ճանաչել այն», - Sputnik Արմենիայի թղթակցի հետ զրույցում ասել է Պետրոսյանը։

Այդ նպատակով Պետրոսյանը և վրացահայ պատգամավորների մի խումբ`  ի դեմս Զաքար Զաքարյանի, Գենադի Էլիզբարյանի, Սիմոն Մանանյանի և Սարգիս Ուզունյանի բարձրացրել են այդ հարցը և մտադիր են քննարկել առաջիկա ժողովին։

 


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 62%
    Քամի՝ 1,54 կմ/ժ
    12 C°
     
    26°  16° 
    21.04.2024
    24°  14° 
    22.04.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: