ԵՐԵՎԱՆ 16 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Մեր խնդիրների իրականացման համար կարող ենք դուրս գալ դասական սխեմաների շրջանակներից. Արցախի ԱԳ նախարար (ԲԱՑԱՌԻԿ)

«Արմեդիա» ՏՎԳ-ն ներկայացնում է Արցախի Հանրապետության արտաքին գործերի նախարար Մասիս Մայիլյանի հետ բացառիկ հարցազրույցը` իրականացված աշխատանքի և 2018թ-ին հնարավոր ակնկալիքների վերաբերյալ:


- Պարոն նախարար, կարո՞ղ եք նշել Արցախի արտաքին քաղաքականության հիմնական իրադարձությունը 2017 թվականին:

Դժվար է առանձնացնել որևէ կոնկրետ իրադարձություն, այնուամենայնիվ կարելի է նշել Արցախի ճանաչման գործընթացի շարունակական դրական դինամիկան: Այս առումով, 2017 թվականին Բելգիա և Ֆրանսիա երկու արդյունավետ նախագահական այցեր են տեղի ունեցել: Աշնանը նախագահ Բակո Սահակյանը տվել է մեկնարկը «Արցախի օրերին Ֆրանսիայում», Ֆլամանդիայի խորհրդարանում ստեղծվել է Արցախի խորհրդարանականների հետ բարեկամության խումբ, ինչպես նաև բարեկամության խումբ է ստեղծվել Վալոնիա-Բրյուսելի խորհրդարանում:

Նշեմ նաև, որ 2017 թվականին ԱՄՆ Միչիգան նահանգը դարձավ ութերորդ նահանգը, որը ճանաչեց Արցախի ժողովրդի ինքնորոշման իրավունքը:

- Այս տարի ղեկավարել եք Արցախի Հանրապետության արտաքին գործերի նախարարությունը: Որո՞նք են այն երեք հիմնական խնդիրները, որոնք սահմանել եք Ձեր աշխատակիցների համար: 

- Ինչպես գիտեք, Արցախի արտաքին քաղաքական խնդիրները որոշվում են պետության ղեկավարի կողմից: Արցախի Հանրապետության արտաքին գործերի նախարարությունը կոչված է իրականացնելու դրանք: Արցախի նախագահի ծրագիրը, որը հրապարակվել է հոկտեմբերի կեսերին, 2017-2020 թթ. համար սահմանում է հանրապետության արտաքին քաղաքականության գերակա ուղղությունները: Դիվանագիտական ​​ծառայությունից պահանջվում է, որ այն լինի ակտիվ և առավել արդյունավետ: Կարծում եմ, որ Արցախի ժամանակավոր չճանաչման հանգամանքներում մենք երբեմն կարող ենք դուրս գալ դասական սխեմաների շրջանակներից և ցուցաբերել ստեղծագործ մոտեցում` մեր առջև դրված խնդիրների իրականացման գործում:

- Նոր տարին հրաշքների ժամանակ է: Իհարկե, ձեր գրասենյակում հրաշքների մասին խոսելն այդքան էլ իրատեսական չէ, քանի որ ամեն ինչ այստեղ վճռվում է ռեալպոլիտիկի միջոցով, բայց, այնուամենայնիվ, ի՞նչ հրաշք եք ակնկալում 2018 թվականին անձամբ Ձեզ, երկրի, և ընդհանրապես, հայության համար:

- 2018 թ-ին ակնկալում եմ մեր երկրի համար կոնկրետ արդյունքներ` ինչպես արտաքին քաղաքականության կենտրոնական ապարատի, այնպես էլ արտասահմանյան առաքելությունների համատեղ աշխատանքի շնորհիվ: Այն, ինչ ձեռք կբերենք Արցախի համար, նույնքան օգտակար կլինի ինչպես ողջ հայության, այնպես էլ երկու հայկական պետությունների յուրաքանչյուր քաղաքացու համար:

Հուսանք, որ 2018 թվականը կլինի նոր ձեռքբերումների, բարգավաճման և զարգացման տարի:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 27%
    Քամի՝ 1,03 կմ/ժ
    16 C°
     
    20°  10° 
    30.03.2024
    20°  10° 
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: